Uda labur hori / Aquel corto verano

10.00 

Zintzo jokatuko dut zuekin: izan ere, batek ez du honakoa
bezain jazz disko kitzikagarri askorik jasotzen. Disko honek hasiera-hasieratik
egiten dizu bere munduan sartzeko eta sorkuntzaren bide malkarretan barrena ibilalditxo
bat egiteko gonbita, burua zabalik eta garbirik duzula. Izan ere, disko zintzoa
da, kontrastez eta ustekabeez josita. Horixe bera!

Liburu batean du abiapuntua Uda
labur hau
diskoak, Juan de Diego Gerra Zibileko aurreneko hilabeteetan
Madrilen hildako buruzagi anarkista leondar Buenaventura Durruti pertsonaia
liluragarriarengana hurbiltzera eraman zuen El corto verano de la Anarquía
liburuan, hain zuzen. Liburu hura eta garaiko Bartzelonako beharginen
bizimoduari buruzko idatzi sorta bat dira musika kontakizun honen
erreferentzia, eta gai bakoitza, nota bakoitza esatera ere ausartuko nintzateke
ni, giza esperientzia bati lotua da, istorio bati lotua. Eta hain zuzen ere
horretan oinarritzen da disko honen lilura: gu berez bizipenak diren paisaietara
eramateko gaitasuna du. Eta hori ez da batere erraza.

Eta ez da haurren jolasa soilik ahots bat eskainiko duen
taldeko soinua lortzea. Jazzak banakoek planteatutako talde lan handitik asko
badu, honako hau da horren erakusgarri bikaina; Juanek, Danik eta Joek batera
arnasten dute, eta guztion batentzat eta norbera guztientzat ez den beste
benetako lidergorik ez dago, hiruon artean dagoen bat etortze bikaina agerian
geratzen delarik. Ez dago musika elkarrekin sortzea bezalako plazerik, ez dago
zatien batura osotasuna izatea bezalakorik.

 

 

mario benso

Disc Type: CD
Publication date: 2016/03/28
Related Products by Artist
Add to cart
Add to cart
Add to cart
Social Media Auto Publish Powered By : XYZScripts.com