Jose Mari Agirretxea, KEU musikaria da lan honen arduraduna eta bertan
era atsegin zein samurrean gitarra jotzen ikasteko aukera eskaintzen du
landu duen DVD honetan. Gitarra ikastaroaren oinarrizko pausuak dira
bertan jasotzen direnak ikusten ikasteko modu erosoan eta entretenigarrian.
Norberak bere kasa eta musika eskoletan erabili ahal izateko materiala
sortu gura izan du, Keuk berak bildutako esperientzia teorikoa eta
praktika erabiliz. Era berean, gitarra ikasteko aurreneko pausuak eman
nahi dituen edonork erabili dezake materiala. Irudiak, soinua eta PDFak
ditu DVDak, edonork bere ordenadorean deskargatzeko materiala.
Grabazioak, 2006ko udan egin ziren Arrasateko Goiena telebistako
platoan eta Azkarateko Katarain estudioan. Teknikari moduan Iban Toledo
aritu zen eta lanaren koordinatzailea Gorka Etxabe izan zen.
