Revenir à disques

Marmokak eta itsas izarrak

Txuma Murugarren

Avril 2018
CD
8 €

Acheter

Sasoi Ilunak taldeko kide ohiak Marmokak eta itsas izarrak dakarkigu orain, bi kantuz osaturiko binilozko singlea, baina berau egiteko arrazoiak ez du zerikusirik B aldeko kantuen patu makurrarekin —ez dira Zerbait ari da gertatzen, hor (Gaztelupeko Hotsak, 2016) diskotik kanpo geratutako abestiak— eta bai ordea musika entzuteko ohiturek azken urteetan izan duten aldaketarekin. Azken aldian galdera bat buruan bueltaka izan du Murugarrenek: ba al du zentzurik gaur egun 10-12 abestiz osaturiko diskoak argitaratzeak, horrelako lanak osorik entzuteko ohitura galdu eta joera nagusia plataforma digitaletan eskura ditugun milaka abestien artean ale solteak dastatzea denean? Gogoeta horrek eraman du Murugarren kantuak aleka argitaratzeko erabakia hartzera, eta bidenabar ekarri du Lokatzetan Play binilozko single bildumaren sorrera. Murugarrenek eman dio hasiera sailari, eta datozen hilabeteetan osatuz joango da beste musikari batzuen ekarpenekin. Binilo bakoitzak kode bat eramango du, kantuak formatu digitalean jaisteko.