Txuma Murugarren kantariak aurten grabatu du bere bakarkako ibilbidean bosgarren diskoa den hauxe, Marjinalia. Orain arte bizkaitar kantari honek izan duen bilakaeraren sintesi gisa uler daiteke, bertan batzen baitira giro ilun eta dekadenteen zalea den kantaria, kabareteko eta Europako ekialdeko ijitoen musikak liluraturikoa, pop kantu egile petoa, gitarra eta ahots soilarekin hunkitzea lortzen duen artista... Inoiz baino lirikoen agertzen zaigu azken lan honetan, bere heldutasunean, disko organikoa osatuz. Grabaketa Bilboko Koba estudioan grabatu zuen eta laster zuzenean entzuteko aukera ere izango dugu.Aurreko diskoetan eta zuzenekoetan lagundu duen talde berarekin grabatu ditu Murugarrenek 12 kantuok: Natxo Beltran (bateria), Rafa Aceves (teklatuak), Ekaitz Hernandez (baxua) eta Sasoi Ilunak taldeko kide ohi Mikel Ramirez (gitarrak). Horrez gain, Asier Ituarte (tronboia) eta Rafa Rueda (gitarrak eta ekoizpena) ohiko kolaboratzaileak izan ditu alboan. Aipatzekoa, oraingoan Xabier Erro eta Xabi Borda idazleen testuekin egindako kantuak.

Ima Ubeda Loyola media magazine 048