zuk esan

nora ote goaz? zuk esan
aurrera, atzera? zuk esan
jokoa nola den zuk esan
garailerik baden zuk esan

joan zinen joan gabe
eta orain zer?

zer egingo dugu? zuk esan
etxea margotu edota
erortzen laga bere horretan
utzikeriak jota zuk esan

joan zinen joan gabe
eta orain zer?

emadazu seinale bat
lehen baino lehen
seinale bat arren, arren

nora ote goaz? zuk esan
aurrera, atzera? zuk esan
jokoa nola den zuk esan
garailerik baden zuk esan

betikoa

etxea eta lana betiko
maitea, lagunak betiko
ideiak, fedea betiko
ohikoa, betikoa betiko

osasuna, bakea betiko
zoriona, dirua betiko
erosotasuna betiko
ohikoa, betikoa betiko

onerako, txarrerako
guztia ez da betiko
edozein unetan, egunetan
den-dena alda daiteke, dena

badaezpada ere adi egon, beti prest
ez delako betiko ia ezer

zorionez, zoritxarrez
ia ezer ez da betiko
trapezista izaten jakin behar da
desorekan oreka lortu nahi bada

badakit

bai, bai, badakit zure erantzuna
ameslaria naizela, ameslaria

zer egin bada, halakoa naiz
nire barrena askatzen ari naiz

baietz, badakit, nola ez, ez naiz aspertzen

lehenik muxu bat gero nahi duzuna
ahaztu zalantzak ene laguna

eta badakit, badakit, baita zuk ere
ausardia behar dela beldurraren ordez

baina, hala ere saia gaitezen
behingoz bederen goiari eusten

nork daki hemen
zein dabilen oker hemen
eta zein zuzen

bai, bai, badakit zure erantzuna
ameslaria naizela, ameslaria

baina, hala ere saia gaitezen
berandu baino lehen goiari eusten

nork daki hemen
zein dabilen oker hemen
eta zein zuzen

ia dena

ia dena esana dago
eta dena egiteko

behin behineko ziurtasuna
iraupen luzeko oinazea
aldi baterako aukera
itolarri mugagabea

ia dena esana dago
eta dena egiteko

ordu estrak langileentzat
langabetuen miseria
ordu estrak langileentzat
ugazabaren oparia

non dira?
nor dira elkartasun gerizak?
kemena,
barrena jan al digu handikeriak?

gure barrena

ia dena esana dago
eta dena egiteko

haize zaharrak

haize zaharrak gure ezinaren
ezkilak astintzen ditu
hautsaren bide berrietan
beha dagoen norbait dago

ordeka arrotzak dituzten begiak
zuhaitz eztitu gabeak mendebaldera

behinola elkar nahikoa
gorrotatu izan zuten maitaleen galdera

azkenak izan: loa heriotza
bilakatzen da izu bihurtzen da

parez pare

sar dadila haizea leihotik
eraman ditzala berarekin
bakarrizketa pozoinduak
haserre eta liskar antzuak

desioak berriro bortxa gaitzala
alde batera utziz gure itzalak
sumendiak berriro urtu gaitzala
alde batera utziz liskar hutsalak
ilunak ernaraz dezala argia
lehen aldian bezala izan dadila

biok parez pare, biluzik herabe
nola hasi jakin ez, beldurrari barrez
elkarren gose

biok parez pare, bideak asmatzen
galduta baina bideak asmatzen

biok parez pare biluzik herabe
nola hasi jakin ez beldurrari barrez
elkarren gose

berandu

ekarri zure eskua bularrera
hitzak ahaztu eta sentitu
bihozmina dago taupadetan
egon segundu bat eta hartu

eskuan daukazu mezua
eskuan idatzia daukazu
eskuan zain duzu erantzuna

iparra galdu da
non da etorkizuna?
erre egin al da biharamuna?

berandu, hitzekin konpontzeko
berandu, hau ulertzeko
berandu, berriro ekiteko

sinetsi nahi dut

oihanean gau baten
che guevara hil zuten
lurpean ahaztu zuten
iraultzaren hauspoa gau baten

sinetsi nahi dut nonbait badela
zuhaitz artean bihotz berri bat
bide berri bat

non daude ametsak
ilunak jan al ditu denak?
hauspoa gure zain da
mintzo asko isildu direnak

sinetsi nahi dut nonbait badela
gure artean hizkuntza berri bat
oihu berri bat

ideiak airean hauspoa oihanean

erreguka bizi gara
eta ez al da ba nahikoa?
negarretan bizi dena
negarra joz hilko da

sinetsi nahi dut nonbait badela
gure barnean indar berri bat
bide berri bat

hesiak

hesiak mugarri
beldurren zaindari
labanak armarri
ezinen aldarri

gaitza da gaitza
datorrenaren urrats bakoitza

hesiak aberri
bereizle, mingarri
bihotzak egarri
ametsen hilerri

gaitza da gaitza
sorterriz aldatzea
nork du aukera non maitatu
non sortu non hil
nork du aukera zer gorrotatu
noiz eta non bizi

lilian

ongizatearen gizartea
ikusia zuen telebistan
bertan hezi nahi zuen umea
ustezko paradisu zurian

ikustezin izan nahi zuen
ilgoran, ilbetean, ilbeheran
paseatu lehen munduan
oharkabean gure antzera

aske izan jende artean
ikustezin gu bezala
lilian, lilian, lilian

bere azala, bere hizkera
susmagarriak ziren argitan
horregatik itsasoratu zen
lur berrira gauaren erdian

baina ez zen iritsi inoiz
nigeriatik guganaino
ito egin zen, ito egin zen lilian
lilian, lilian, lilian

gurea

une batez ahaztu dena
fakturak, kezkak, beldurrak
ausentziak, loezinak
betegabeko promesak
gau honetan, bederen, gau honetan

biharko utzi tirabirak
hizkuntza, herria, hitza
biharko, mesedez, biharko, mesedez

eta gaurko gaua bederen
gurea izan dadila
har dezagun atseden
lehertu baino lehen

eta jan ditzagun ibiltariaren harriak
edan dezagun mozkortiaren odola
erre dezagun ameslariaren belarra
kanta dezagun iheslariaren balada
adiskidea gaurko gaua izan dadila...
gaurko gaua izan dadila...

gurea

eromenaz

barkamena, mendekua
dantzan buruan
arrazoiak, sentimenduak
elkarrekin borrokan

nor ez da burua galtzeko
zorian, arriskuan egon?
nork ez du laban zorrotzekin
amestu? eta txikizioekin?

gorputza, arima liskar bizian
mamuak solasean: itolarria

zaila da sarea apurtzea
eromena saihestea
zaila da zuzen ibiltzea
bidea okertzen denean

nork esan dezake: "zuzen ibili, arren"
bidea okerra denean?

aingeru berria

entzun al duzu predikua?
hutsik ez da bere aipuan
aditua, eredua
hutsik ez da bere aipuan

entzun, lagun ez gaitezen nekatu, arren
gertaerak, albisteak egiaztatzen

egiaren jabe denez
inongo beldurrik gabe
lasai ohera gaitezen
inongo beldurrik gabe

entzun, lagun ez gaitezen nekatu, arren
gertaerak, albisteak egiaztatzen

jaio da aingeru berria, hitzaren zaindaria
jaio da aingeru berria, egiaren jabea

salbatzailea

grisa

zuriak keinuak
azaleko arauak
beltzak ene malkoak, ezinezko gauak

zuriak orriak
nahiaren aingurak
beltzak zure lumak, sakoneko izuak

bi koloreak dira
nigan nahasten direnak
azalean, mamian, nigan
ezintasunaren isla

zuriak ene hitzak adierazle hutsak
beltzak zure mezuak zeharka aipatuak

bi koloreak dira
zugan nahasten direnak
azalean, mamian, zugan
ezintasunaren isla

grisa ordua grisa bihotza
grisa etxea grisa ohea
grisak begiak grisa euria
grisak eskuak grisa zerua