CRUCE DE CABLES. DINBI DANBA
IMaNol ubeDa Donostiarrak dira eta bigarren diskoa dute hauxe. Euren lehen grabazioan jazz-rockaren ildotik jo bazuten ere, Cruce de cables bigarren disko honen proposamenak agerian uzten du taldeak une honetan hots akustikoago eta pertsonalagoaren alde hartu duen joera. Oraingoan, taldeak gitarra akustikoari ematen dio protagonismoa, gai propioak grabatzeaz gain, jazz eta blues munduko handien bertsioak eginez (Pat Metheny, Keith Jarrett, Sonny Rollins, Robben Ford eta Led Zeppelin). Azken urteetan aldaketa asko ezagutu ditu taldeak bere osaeran, eta taldearen hotsa heldutasun batera iritsi da testuinguru akustikoago batean, bere estiloa aurkitu du. Une honetan Ima eta Joserra Lorenzo anaiak arduratzen dira musikaren zuzendaritzaz, eurak baitira proiektuaren sustatzaile eta musikari nagusiak. Baxu eta gitarra elektrikoen hotsari leial, gitarra espainiarra ere jasotzen dute hots bero eta naturalagoari ateak irekitzeko. Aldi berean, Rogeren bateria sendotu egiten dute Dani Garciaren perkusio eta kaxaren hots flamenkoek. Dinbi Danba taldearen Cruce de cables diskoa eta beste hainbat entzun nahi badituzu HERRI IRRATIAK KANTARI saioa eskaini nahi dizu. Astelehenetik ostiralera, arratsaldeko 15:00etan Imanol Ubedaren esku.
Izenburua: Cruce de cables
Egilea: Dinbi Danba
Argitaletxea: Gaztelupeko Hotsak