Letrak

WAFA
(Wafa Idris in memoriam)

Oliba mikatza izanda
Nahi zenuke gozoan
Gozotasun horregatik
Maite zaitut osoan

Kufiya lepoan
Horra zein gazte doan
Wafa! Wafa! Wafa! Wafa!
Sua bihotzondoan

Kufiya lepoan
Horra zein heldu doan
Wafa! Wafa! Wafa! Wafa!
Sua bihotzondoan

Pikondo errea izanda
Nahi zenuke hostoan
Hostotasun horregatik
Maite zaitut osoan

Kufiya lepoan
Horra zein astun doan
Wafa! Wafa! Wafa! Wafa!
Sua bihotzondoan

Kufiya lepoan
Horra zein arin doan
Wafa! Wafa! Wafa! Wafa!
Sua bihotzondoan

Mahasti zapaldua izanda
Nahi zenuke mulkoan
Harrotasun horregatik
Maite zaitut osoan

Kufiya lepoan
Horra zein apal doan
Wafa! Wafa! Wafa! Wafa!
Sua bihotzondoan

Kufiya lepoan
Horra zein harro doan
Wafa! Wafa! Wafa! Wafa!
Sua bihotzondoan.

Etxe apurtua izanda
Zutik zaude ukoan
Osotasun horregatik
Maite zaitut osoan

Kufiya lepoan
Horra zein lerden doan
Palestina! Palestina!
Sua bihotzondoan.

Kantuz naramala
Hautsia du hegala
Palestina! Palestina!
Erdiminez Ramallah.

Hitzak: Koldo Izagirre
Musika: Joseba Tapia



ARITMETIKA ARAZOAK

Zenbat lurralde ditu
Gaur Euskal Herriak?
Euskadik adina bai
Balitu erdiak!

Zenbat euskaldun ditu
Gaur Euskal Herriak?
Ez lirateke gutxi
Balitu erdiak!

Zenbat aditu ditu
Gaur Euskal Herriak?
Ez ote luke hobe
Balitu erdiak?

Zenbat aurkari ditu
Gaur Euskal Herriak?
Herritarreko bosna
Balitu erdiak!

Zenbat maitale ditu
Gaur Euskal Herriak?
Erruz maitatu izan
Balitu erdiak!

Zenbat bekatu ditu
Gaur Euskal Herriak?
Ez luke barkamenik
Balitu erdiak!

Zenbat gobernu ditu
Gaur Euskal Herriak?
Behar baino gehiago
Balitu erdiak!

Zenbat arazo ditu
Gaur Euskal Herriak?
Asko samar oraindik
Balitu erdiak!

Zenbat galdera ditu
Gaur Euskal Herriak?
Nahiago nuke bihar
Balitu erdiak!

Zenbat erantzun ditu
Gaur Euskal Herriak?
Ai hobeki pentsatu
Balitu erdiak!

Hitzak: Koldo Izagirre
Musika: Joseba Tapia



COMPOSTELAKO ERROMESA

Compostelan egon nintzen
Lehengo udan erromes
Noizbait iritsiko nintzen
Joan izan banintz oinez

Arribatu nintzeneko
zain neukan Maruxiña
A zer serora parea
Bera ‘ta lehengusina!

Lagun biak hasi ziren
Gora Euskadi oihuka
Ni Biba Galizia Ceibe
Malkoak ezin xuka

Matxinada zabaldu zen
Tabernarik taberna
Fraga eta bere fragatak
Beldurtzeko galerna!

Santuari ez nion nik
Ez kaixo ez adio:
Compostelaraino gabe
Astiarran Santio!

Nahiz gaita jotzen ez jakin
Sentitzen naiz gallego
Herritasuna noiz behinka
Aldatzerik balego!

Hitzak: Joseba Tapia
Musika: Tradizionala/Joseba Tapia



ALBISTE ZIRINOLAK

Albiste zirinolak arrabots idorra
Nundi-nahitik minbera gure leihorra
Badirudi haize hau ez den aldakorra
Ilun kolore dakar soineko atorra
Astindu gogorra
Hilobian horra
Lagun maitakorra
Bihotz emankorra
Doluz jantzi berri da euskal alorra.

Ikusten baduzue norbait espetxera
Goiz batez eramaten argi aldera
Ez ausartu sobera laster erratera
Gaixtagin hutsa denik baizik eta bera
Dela ebastera
Sartu behera
Horrekin batera
Hiltzaile gainera
Debruak sortutako satan beltzera.

Satana izan ezik ezazue jakin
Maitasun handi batek du honera jin
Abertzalek badute bildu behin eta behin
Parisera eraman luze egon dadin
Fresnes edo Fleuryn
Sante ala Osnyn
Beste nunbait berdin
jasanaz mila min
Eta berak bezala orok Euskadin.

Ikusten baduzue burniz kargatua
Herri bat etsaiari nahiz oldartua
Ez pentsa herri hori denik aldatua
Baketsua zenetik bortitz bihurtua
Baina zatitua
Herri zanpatua
Bizi nahitua
Arrunt zutitua
Bere izaiteari hortzez lotua.


Hitzak: Ernest Arranbide
Musika: Joseba Tapia (Gaur olerkiak bihar presoak. Euskal Herrirat, 1998)



BESAMOTZA

Etxean ikasiak ez zaizkidak berehalakoan ahaztuko
Badakik nahi ‘ta ezin, okerra izan eta zuzentzen gaitza
Lagun loratuak amets eta zigarro kiratsa
Ez badu kirol izerdiduna inguruan

Maitia hi haiz nere besamotza
Ene maitemin larrien truke
Begirada miopearen moztasuna besterik
Eskatzen ez duena

Txepelaren hego haize ergelak eta zintzoegi
Honen ipar orratzak hautsi dizkik dabenerako hire ezak
Maitia hi baihaiz nere besamotza
Hire ezker faltak probokatzen nau
Ene buruaz hi egiten nau

Ene buruaz hi bai, alajainena ni alu gozo asko
Bakar haitza hire bizi minetako pendiz malkorretan
Kupida gabe jausi nauk gordina
Eta larrua bizirik hemen naukak maitia
Besamotz maitia

Hitzak: Jakoba Errekondo
Musika: Joseba Tapia (Juergasmoan, 1990)



LOIOLAKO PORRUSALDA

Azpeitiko mutila
Inazio donea
Zazpi atso gazteri
Jasoa gonea
Ai zer gonorrea
Inazio donea

Herriaren lepotik
Mila marabedi
Loiolatarren kasta
Madarika bedi
Besteren izerdi
Mila marabedi

Oinaztarren mutila
Han aurrean doa
Gaztelaren pausoan
Oina ‘ta zangoa
Ederra zapoa
Han aurrean doa

Iruñan hartu zuen
Zangoko herrena
Nafarroa salduta
Etsaia barrena
Ez du okerrena
Zangoko herrena

Begira nola doan
Aldarera herren
Apostoluetatik
Jarria da hurren
Ifernuko Txerren
Aldarera herren

Orduan sortu zuen
Jaunaren armada
Munduko gerra zikin
Guztien ama da
Inon beltzik bada
Jaunaren armada

Jainkoaren aldeko
Beso armatua
Dolarrak aspaldian
Ongi xarmatua
Ustel samartua
Beso armatua

Loiolan ageri da
Eder basilika
Zeruko zergazainek
Sakela kilika
Kristo zintzilika
Eder basilika

Hizketa leuna du
Kristoren morroiak
Sotanak beltzak baina
Zuriak sermoiak
Loiolan zer lohiak
Kristoren morroiak

Urolako lohietan
Kli-klu kli-klu kli-klu
Horra santu batenak
Gaur zenbait meritu
Inaziok baditu
Beste hainbat kli-klu

Hitzak: Koldo Izagirre
Musika: Joseba Tapia (Apoaren Edertasuna, 1998)



ABYA YALA

Txerokee eta Txeyene
Irrintzi eta aiene
Zapaldutako loreak
Berriro lurrean erne

Aimara eta Quetxua
Zabalduz doa kexua
Geroa zaila da baina
Iragana jakintsua

Maia eta Yanomami
Munduak dena du mami
Izakien bizi-nahia
Ama lurraren legami

Gogoa amets egin zen
Indioa izan nintzen
Haiekin ikasi nuen
Amerika deskubritzen
Haiekin ikasi nuen
Euskal Herrian bizitzen

Hitzak: Jon Sarasua
Musika: Joseba Tapia (Dultzemeneoa, 1992)



ARRAUN

Noizbait helduko gara
Arraun arraun
Atzera gabiltza
Noizbait helduko gara
Arraun arraun
Atzera gabiltza
Ez dirudi erraza
Ez dirudi erraza
Mugaz muga helmuga jotzea
Mugaz muga helmuga jotzea

Ahots bat entzuten da
Indarrak ahultzean:
Utzazu arrauna utzazu
Zoaz haize alde
Zur hila badabil
Uraren azalean...
Baina nork ez daki
doala hondora?

Ez gara inoiz helduko
Arraun arraun
Deus ez da mugitzen
Behar dugula itzuli
Erdia egin eta?
Arraun arraun
Ezin gara geldi
Arraun arraun
Arraunlari gara

*Hitzak: Paul Piché*
*Musika: Paul Piché (*L’escalier, 1980)
Bertsioa: Québec, hamalau kantu independentziarako, 1999



ASTOTXO BAT BANEUKO

Astotxo bat baneuko
bustan zuriegaz
Ermura joateko
gona gorriegaz

Txirikitin txainia
biar domekea,
txokolatez beterik
baneuko tripea

Arrabako landea
balego Gorbeien
antxe egingo geunke
zirikin zakien

Bat bi iru lau
balego eta balitz,
bost sei zazpi
alkarrekin dabiltz

Hitzak: Herriarenak (Xabier Amurizak bilduak)
Musika: Herriarena (Tapia eta Leturia, 1998)



ZERUKO HAUSPOA

Botoiak azkartu ‘ta
burua uzkurtu...
Inpernuko Hauspoa
zer zaigu bihurtu?
Bihurtu burua uzkurtu...
Herriaren ardoa
ederki da urtu!

Sega zorrotza zena
apaingarri saldu:
froga ugari dago
nahi bada azaldu.
Azaldu apaingarri saldu...
Salmentak hondamena
ekarri ez al du?

Ergelkeria hartzen
dugula ahotan
auzo-lotsa ematen
gabiltza askotan.
Askotan dugula ahotan...
Paga merezi dugu
ez kantatzekotan!

Kamustu zaigulako
koplaren eztena
egiatzat hartu da
gezurra ez dena.
Ez dena koplaren eztena...
Trikitixak horrela
hurbil du azkena.

Aspaldi galdua da
Elgetaren kasta:
edertasuna baino
nahi’o arrakasta!
Arrastaka Elgetaren kasta...
Halako morrontzatik
gaitezela aska!


Hitzak: Joseba Tapia (2002)
Musika: Joseba Tapia (Dultzemeneoa, 1992)



GEZURTIENTZAT

Ordu biak laurden gutxietan
azaroaren zazpian
pinpi ta panpa kañonazuak
Irunen ta Ondarrabian,
zer ote ziran ainbeste soñu
altxatu giñan abiyan
obetoxiago entzuteko
obetoxiago entzuteko
itsas ertzera joan giñan.
Bi andrek leyotikan
parrez beriala
Madrid artu zalako
soñuak zirala.
Oik uste zuten zala
Madriden sartzia
kanpantorrera joanta
ezkillak jotzia.

Nik buruari dardar egin ta
au esan nuen aurrena:
gezurra zala soñu auekin
itxura egiten zutena.
Bizkai aldetik gure anaiak
mugitzen asi zirala
aien aurkako jendia bildu
aien aurkako jendia bildu
ori zala bear zuena.
Nik esanda bezala
urrengo goizian
Irun ta Ondarrabitik
zenbat joan zi’an,
oik uste zuten zala
Madriden sartzia
kanpantorrera joanta
ezkillak jotzia

Atabalakin tanborra juaz
gizon bat deika atera
irakurririk erriari deitzen
alkate jaunan papera.
Seietan musika soñuakin
goazen guztiok dantzara
Mondragoi ere guria da-ta
Mondragoi ere guria da-ta
gizona zer ari zera!
Orain erdi gordian
zokuan or daudez
erdiak erotuta
nora joanik ta
nora joanik ez.
Oik uste zuten zala
Madriden zartzia
kanpantorrera joanta
ezkillak jotzia.

Erri guztia engañatutzen
gezurren modu txarrian
orrelakorik ez da egiten
gizon zintzuen aurrian.
Zuek zauztela denen nagusi
Españiako lurrian
Ez daukazute ezkillak jorik
ez daukazute ezkillak jorik
Madriko kanpantorrian.
Arritzen naiz gauz ori
burura etortzia
eta oinbesteraño
gizona erotzia.
Oik uste zuten zala
Madriden sartzia
kanpantorrera joanta
ezkillak jotzia.

Hitzak: Joxe Mari Lopetegi (1936)
Musika: Joseba Tapia (Agur, Intxorta maite, 2001)