Ibilbidea

Josetxo Goia-Aribe, saxojole nafarra, Nafarroako soinu tradizionalak eta gaurko soinuak ederki uztartzen ari da azken urteotan. Musika hainbat estilo jorratu ondoren, bere musika sortu eta grabatzen hasi zen aurreko hamarkadan.
Bere lehenbiziko lana Auñamendi izan zen, Nafarroan barrena halako bidai musikala, Pariseko 3 musikarirekin grabatuz. Bidaia honek soinu garaikideetara eraman gintuen. Gero, Eunate etorri zen. Honetan, Goia-Aribek bere saxoari celloa erantsiko dio, bikote berezia sortuz. Herrimiña izan zen ibilbide honen hirugarren geltokia. Hemen ere eskarmentu haundiko musikariekin elkartuz disko koloretsua lortu zuen eta bertan bere ibildibearen heldutasuna antzematen da. Laugarrenik, Ilhargi-min izeneko diska dugu, Maddi Oihenart-en abotsa nagusiki entzuten delarik. Xiberoko emakume honen abotsa gehi Goia-Aribek sortu eta konpondutako musika batzen dira bertan. Eta horrekin batera euskal literaturaren zenbait atal musikatu egin ditu, pianoa, saxoa, kontrabaxua eta abotsa lagun.
2006koa da Josetxoren proposamen berria Los Pendientes de la Reina izenekoa. Bertan musikari bereziak elkartzen dira jazza, musika herrikoia eta garaikidea uztartuz. Errepertorioa Josetxok berak konposatutako piezek osatzen dute.

Egun inprobisazio irakaslea da Euskadiko Goi Mailako Musika eskolan (Musikene)