Ibilbidea

Bill Lyerly
Bere garaian Super Grit Cowboy taldearekin country alternatiboaren aitzindari izanik, gaietako batean -'Hangmen'- amerikar generoan izar handia den Steve Earle lagun zaharrarekin partekatzen ditu ahotsak. Eta haren ibilbide luzean beste izar handi batzuekin partekatu ditu oholtzak eta backstage direlakoak, esate baterako, John Lee Hooker, Bo Diddley, Paul Rodgers, Levon Helm, George Jones, Ernest Tubb eta Hank Ballard artistekin, azken hau Look at Little Sister gaiaren egilea, Stevie Ray Vaughanek bertsionaturik.
80. urteen hasieratik, bere taldearen aitzindari zenez geroztik, Bill Lyerlyren albumek Prodigal Son, Higher Ground, From the Old Schooll (omenaldia 60. eta 70. urteetako blues rock britainiarrari), Railroad Station Blues, Cobalt Blues eta Motel Room Blues bezalako tituluak biltzen dituzte, azken hiruak egilearen trilogiarik bluesena, herrialde eta irrati askotan entzuna izan dena. Requiem Mess lanarekin bere alderdi countryenera itzuli zen Clyde Mattocks (steel pedala, dobroa) lagun zaharrarekin batean. Orain gutxi bere sasoirik campenera itzuli da The Twang Years lanarekin, 1977tik 1983ra artekoa bilduz eta argitara emaniko bi gairekin osatuz.

Euskal Herrira egindako bisitaldi gutxi batzuk nahikoak izan ditu Bill Lyerly konpositore, gitarra eta tekla jotzaile eta abeslariak lurralde honekin eta bere kulturarekin maitemintzeko, haren karrera luzean beste bide bati ekiteko erabakia hartzeraino maitemindu ere. Oraingo honetan, basea Euskal Herrian egokiturik, bertan hauteman baitu jendeak bere musikarenganako –blues alternatibo gisa definitzen du– duen estimu handia. Horrexegatik argitaratuko du Gaztelupeko Hotsak zigiluarekin Too Hurt To Cry albuma, Estatu Batuetan grabaturiko eta Londresko Abbey Road estudio ospetsuetan masterizatutako hamaika gaiek osatutako bilduma. Bertan bluesaren eta amerikar musika sustraidunaren aurreko ikuspegiak azaltzen ditu. Diskoan bere laguna den Steve Earle musikariarekin egindako duetoa eta agertzen da.