Hemen zaude: Hasiera Artistak Aby-Kem Ibilbidea

Ibilbidea

2003eko azaroan Xarti (kitarra), Gordo (bateria), Mikel (ahotsa) eta Aimar (baxua) elkartu ginen gustoko genituen taldeen bertsioak jorratzeko. Denbora pasa ahala eta zer egiteko gai ginen ikusita talde sendo bat osatzeko ideia indartuz joan zen. Horrela abesti propioak konposatzen asi eta hauen kopurua handituz joan ginen bertsioak alde batera utzita, horrela gure abestiak konposatzen denbora gehiago eman genezakeen. Taldea indartzea ere erabaki genuen eta horrela gure lagun Rob-i (kitarra) gurekin jotzeko proposamena egin genion, honek baietza eman eta jotzen hasi eta urtebetera bost lagunek osatu genuen Aby-Kem. Denboraren pausoaz gure musika estiloa lantzen eta definitzen joan gara barnean duguna gure abestietan isladatzera iritsiz. Denboraldi bat kontzertuak ematen pasa ondoren maketa baten grabaketan murgiltzea erabaki genuen eta espero genuen emaitza lortu ez arren kaleratzea erabaki genuen guztiaren kargu gu eginaz. Demo bat ere kaleratu genuen, maketarekin batera grabatu genituen bi kantu hartu eta soinua hobetuz, hasiera batean bi kantu hauek maketan sartzeko ideia geneukan baina soinu kaxkarra zela eta gero hobeturik demo baten sartu genituen. Egindako bi lan hauek ez genituen inola SGAE edo antzeko edozein organizazioren laguntza eta gidaritzapean kaleratu, gu geu arduratu ginen guztiaz, gure abestien jabe bakarrak gu geu garela sentitzen dugulako eta gure lanaren fruitua guri bakarrik dagokigula uste dugulako hartu genuen erabaki hau, printzipio kontua zen besterik ez. 2007ko urtarrilean Danbaka, ibarreko musika lehiaketako, irabazle izan ginen eta orain urte bete beranduago 6 abestiz osaturiko Azken Guda KD berria argitaratu dugu "Gaztelupeko Hotsak" zigilupean. Dena dela, jakin dezazuen jadanik grabatua dagoela hurrengo diska izango dena, Aby-Kem-en B aldeak... izango duzue honen berri etorkizunean.