Hemen zaude: Hasiera Albisteak ROY LONEY & SEÑOR NO : disko berriaren grabaketa

ROY LONEY & SEÑOR NO : disko berriaren grabaketa

2007/10/22

Roy Loney, Flaming Groovies talde aintzindarien partaide eta konposatzailea izandakoak talde berria du Europan zehar aritzeko: Señor No banda donostiarra. Eurekin kaleratu zuen Bottle of wine , Bloody Hotsak zigilu berriari estreinaldia ematen zion lau kantuko EPa eta egunotan amaitzen ari dira Loney berak konposatutako kantuez osatutako disko luzea. Andoaingo Garate estudioan.

Lehen biraren ondoren kaleratu zuten biniloan lau kantu jasotzen ziren: Roy Loneyren bi, bata Flamin´Grooviesen garaikoa eta bestea ineditoa (The first one s free eta The critter) , Tom Paxtonen Bottle of wine eta Jagger & Richards-en Who s driving your plane.
Oraindik izenbururik gabeko disko luzean 15 abesti egongo dira, batzuk argitaratu gabeak eta bestetan aspaldikoen berrirakurketa egin dute. LP eta CD eran argitaratuko da.

Bloody Hotsak, Gaztelupeko Hotsak diskoetxea eta Irungo denda eta musika sustatzailea den Bloody Maryren arteko elkarlanetik sortutako ekintza da. Rockanrolla, biniloa eta banda interesagarriak bultzatzeko asmoarekin. Laster argitalpen gehiago izango dituena.