Hemen zaude: Hasiera Albisteak ROGELIO BOTANZen bidegurutzeak

ROGELIO BOTANZen bidegurutzeak

2007/04/26

Badira bi hamarkada luze Rogelio Botanz Euskal Herritik Kanariar Irletara joan zela. Tenerifen lotu zuen bere txalupa eta, ia konturatu gabe, bertako kulturaren korronte indartsuetan murgildu zen. Taller Canario de la Canción lantaldearen hiru sortzaileetako bat izan zen, Andrés Molina eta Pedro Guerrarekin batera. Hura bukatu zenean bakarkako bideari ekin zion eta aurreko diskoa Alfonso Sastreren testuekin egin ondoren, aspaldiko kantuak eta konposaketa berriak grabatu ditu Vuelos egunotan kaleratu duen diskoan. Eta ohikoa duenez, hemen ere kolaboratzaile bereziak batu ditu: Euskal herritik Kepa Junkera (trikia) eta Arkaitz Miner(biolina eta mandolina), Kubatik Trio en Serie, Jose Antonio Ramos kanariak tinple jolea eta Irletako perkusiojotzaile ugari, besteak beste, emaitzari aniztasun berezia emanez.

World music okerreko etiketa hainbestetan erabiltzen den garai hauetan, Rogelio Botanzek naturaltasun osoz eta laguntzaile egokiekin lortu du urte askotako lana gauzatzen, dentsitate gurutzatuko kantuak, etiketak gainditzen dituztenak baina etxeko doinuak balira bezala aurkezten direnak. Denon probetxurako.
Diskografia
LA NUEVA CANCIÓN CANARIA 1985 TRAPERA 1987 IDENTIDAD 1988 A POR TODAS 1989 GRANDES ÉXITOS 1990 RAPADURAS PENAS 1991 Y AHORA... QUE? 1994 TIC,TAC... 1998 CASTILLOS DE ARENA 1999 TIEMPO 2001 CANTA ALFONSO SASTRE 2004 VUELOS 2007