Hemen zaude: Hasiera Albisteak PETTI eta TXUMA zuzenean BILBON

PETTI eta TXUMA zuzenean BILBON

2008/01/16

Berezia izango da Bilboko Kafe Antzokian ostegunean, hilak 17an, egingo den kontzertua. Alde batetik Txuma Murugarren taularatuko da bere ohiko taldekideak lagunduta. Sasoi Ilunak taldeko kantaria izandakoak Marjinalia bakarkako bere bosgarren diskoa aurkeztuko du eta ondoren
Petti bakarlari nafarrak On , bere lanik osatuena erakutsiko du era akustiko eta elektrikoan. Biak ala biak gaur egun gure artean ditugun ahots esanguratsuenak. Gozatzeko

PETTI. Nafar musikaria Folk-rock izenda genezakeen estiloaren aitzindari dugu. Hamasei urtekin murgildu zen musika munduan eta hainbat rock taldeetan aritu ondoren bere bakarkako ibilbideari ekin zion kantari berezia eta gitarrajotzaile fina zela erakutsiz. ON izenpean kaleratzen du 2007ko udazkenean bere laugarren diskoa. Bertan, musikariaren alderdi anitzak uztartzen dira: akustikoa, elektrikoa, bluesman disdiratsua eta rockero grinatsua. Dena bere kantaera eta ahots bereziarekin inguratuz eta testuetan bizitzeko esperientziaren interpretazio poetiko bezain basatia emanez. Beti mugan ibili diren musikarien erritmoetan lerrotuz. Zuzenean, diskoa grabatzeko bere ondoan izan dituen musikariek laguntzen dute.

TXUMA MURUGARREN. Sasoi Ilunak taldeko abeslari, gitarrista eta kantuen hitzen egilea izan zen 90eko hamarkadan. Hiru disko grabatu zituen taldeak eta 2000.urtean bere bakarkako ibilbideari ekin zion. Ordutik bost lan luze kaleratu ditu eta azkenekoa, Marjinalia orain arteko bilakaeraren sintesi gisa uler daiteke, bertan batzen baitira giro dekadenteen zalea den Murugarren, kabareteko eta Europako ekialdeko ijitoen musikak liluraturikoa, pop kantu egile petoa, gitarra eta ahots soilarekin hunkitzea lortzen duen kantaria... inoiz baino lirikoago eta indartsua agertuz. MARJINALIA disko berria aurkezten diskoa grabatu berri duen musikari taldearekin batera.