Hemen zaude: Hasiera Albisteak ORGANIKS : adin guztietarako jazz beroa

ORGANIKS : adin guztietarako jazz beroa

2009/07/21

Aste honetan eta Donostiako Jazzaldiaren atarian Organiks taldeak kalean jartzen du bere lehen diskoa. Bertan, jazza, swing eta funky kantitate handian entzun daiteke. 2006. urtean sortu zen taldea eta hauek dira partaideak: Juanma Urriza “Boli” (bateria), Fredi Pelaez ( Hammond organoa), Mikel Romero (gitarra), Jose Gallardo (Saxo Altua) eta Julen Izarra (Saxo Tenorea).

Talde honek, agerikoa denez, iturri askotatik edan du: taldearen hotsak –Prestige eta batez ere Blue Note bezalako zigiluen soul-jazz katalogoarekin zorretan– dei egiten die Lou Donaldson, Jimmy Smith, Grant Green, Jack McDuff, Stanley Turrentine eta, denboran gertuago, Soulive hirukoteari. Taldearen musikaren oinarrietako bat bluesak eta rhythm and bluesak eratzen dute, soul eta gospelaren eragin melodiko handi batekin, baina betiere funka du guztia biltzen duen erritmoaren oinarri nagusia.