Hemen zaude: Hasiera Albisteak Nafarroatik Burbuilak

Nafarroatik Burbuilak

2013/05/10

Broken Brothers Brass Band taldeko partaidea den   Iñaki Rodriguez saxo jotzailearen lehen diskoa da Burbuja. Bop, blues edo jazz modernoaren bidetik doaz bertan jasotzen diren konposaketa originalak. ERRABAL jazz zigiluaren eskutik.  Entzun : Patxiblues

 

 

Musikari garrantzitsuekin ("Chris Kase Quintet", "Mikel Andueza Superquintet", "Bob Sands Big Band", "Pirineos Jazz Orkestra") eta Estatuko jazzaldi handi eta txikietan (Donostiako Jazzaldia, San Javierreko Nazioarteko Jazz Jaialdia, Zaragozako Jazz Jaialdia…) jorratutako musikari nafarraren lehen diskoa. Burbuja lana osatzen duten bederatzi gaietan harrigarria da konposizioen arteko koherentzia, bop, blues edo jazz modernoaren literaturak berezkoak izan ala ez. Alaba Claudiari opa dio diskoa eta artistaren bizitzaren une jakin baten argazki soinuduna eskaintzen du. Bertan, tempoaren zentzu pausatuak, sentiberatasuna, Sorterriarekiko lotura… John Coltraneren interpretazio bikainari dei egiten dio, mundu honetan edertasuna ere badagoela agerian utzirik.

Aipamen berezia merezi du Burbuja lan honetako akonpainamenduak, izen hori behar ez lukeenak, bertan ari diren musikariak era berean protagonista bihurtzen baitira. Alejandro Mingoten gitarra friselliarraren aurrean bigarren hariari egiten dio dei tenorrak, oraingoan Jorge Abadíasen gitarra methenyarrari, eta bion soinu-ezaugarriek aberastu egiten dute disko osoa biltzen duen jazz lasai eta barnekoia. Azkenik, Xan Camposen pianoa, Luisa Britoren kontrabaxua eta Iago Fernándezen bateria eskuzabal ari dira mundu guztia etxean balitz bezala sentitzeko eta .... bilkura honetako erritmo egokien harira norberaren goiburuak eskatzeko.

Nafarroan egokitutako musikariek osatutako lan bikaina.