Hemen zaude: Hasiera Albisteak Musikari osoa

Musikari osoa

2013/04/02

Joseba B. Lenoir Beran (Nafarroan) hasi eta hezi zen musikaria, SextySexers taldearekin handitzen joan zen, Gasteizen, Sumision City Blues taldeko partaidea da eta Bartzelonan ere aritzen da musikari gisa. Baina dagoeneko lortu du bere zigilu propioa. Eta hori erakusten du Instroak Vol. 2 grabazioan. Entzun: Ihesaldia

Oihartzun amerikarreko bederatzi abestiz osaturik, bluesa, folka eta rocka ditu osagai nagusi; Ennio Morriconeren soinu bandak dakartza gogora batzuetan, baina Jimi Hendrix edo Frank Zappa bezalakoek sortzen zituzten inprobisazioen ukitua ere aurki daiteke beste batzuetan, oinarri erritmiko hipnotikoak uztarturik.

One man band formula indartzeko Felix Buff (Willis Drummond), bateria eta perkusioetan, eta Raul Garcia (Mugaldekoak) zerrarekin ditu grabazioan lagun, proposamena sonoritate ezberdinetara eramanez.  Behin sarturik ezin atmosfera horietatik ihes egin.