Hemen zaude: Hasiera Albisteak MIKEL URDANGARIN BERE LAN BERRIA AURKEZTEN HASTEKO GERTU

MIKEL URDANGARIN BERE LAN BERRIA AURKEZTEN HASTEKO GERTU

2002/09/27

Hilaren 3an Mikel Urdangarin ek bere bosgarren diskoa aurkeztuko du Bilbon. Folk akustikoaren ildotik segitu arren, Zornotzako kantariak bere alderdirik urbanoena erakusten digu oraingo honetan.

Kantu gehienak Mikelek berak konposatu ditu eta horien artean bada katalanez abestutako bat ere. Beste behingoz, Jonathan Bews eskoziar biolinjolearen ekarrera nabarmena izan da disko berrian, baina honen alboan guztiz eraberritutako taldea dago. Mikel Urdangarinen soinu akustiko ezaugarria inoiz baino osatuago azaltzen da. Urritik aurrera zuzenean erakusten hasiko da Euskal Herriko hainbat aretotan. Guztiaren berri zehatza izango duzue hemen.