Hemen zaude: Hasiera Albisteak Los Reyes del KO

Los Reyes del KO

2018/02/05

Adrian Costa gitarra jotzaile eta kantariak eta Marcos Coll armonika joleak beste lehen mailako musikarirekin batera osatu zuten Los Reyes del KO  taldea joan zen mendearen azken hamarraldian. Europa eta Amerikan aritu ondoren banandu egin ziren bakoitza bere ibilbidea jorratuz. Duela hilabete batzuek elkartu ziren emanaldi puntual batzuk egiteko. Jai handia eszenatokian!!!

Entzun: Little Sophie

 

Los Reyes del KO taldeko kideak haien ikuskizun guztiz erakargarriarekin bueltatu dira, zuzeneko eta berezko blues eta funkyz betea, soul-kako kolpeez betea, kanpaiak hots egin arte dantzatzen jarrai dezazun borrokaldiz borrokaldi.

Marcos Coll eta Adrian Costa galiziarrek osatzen dute Los Reyes del K.O. Bluesaren eta oro har musika beltzaren aurreko zaletasunak eta ardurak elkartuta, musika molde hau ulertzeko duten era erakutsi dute mundu erdian barrena. Jaialdietan munduko artista handienekin partekatu dute agertokia, esate baterako, Chuck Berry, Solomon Burke, Buddy Guy,John Mayall,the Animals,The Faboulous Thunderbirds eta beste izar askorekin, eta musika molde hau eskaintzen den areto ezagunenetan ere izan dira jotzen, tartean, Chicagoko Buddy Guy's Legends eta New Yorkeko Terra Blues aretoetan.

 

Los Reyes dek K.O. taldearen musikak jatorrizko bluesetik gaur-gaurko Chicago Bluesera egiten du, funky, soul, hip-hop eta latino ukitu eta koloreekin aberastuta. Talde honen erritmoarekin, indarrarekin eta umorearekin inor ere ez da geldi geratzen, eta gainera, blues emanaldi baten aurrean askok duten aurreiritzia aldarazteko ahalmena du bikote honek.