GABY JOGEIX zuzenean
Bizkaian sortua, Frantzian bizi eta gaur egun Madrilen bizi den bluesmana benetan bikaina da Gaby Jogeix lap steelean, eta baita gitarra elektrikoarekin ere. Ideia sortzaileak ditu eta ez da bereziki musikari baten imitatzaile, askoren eragina sumatzen bazaio ere. Aste honetan izango da gure artean –Bizkaiko Jazz Blues Zirkuituan (20-Basauri, 22-Leioa, 23-Ermua) eta Gasteizen (21) - bere taldearekin
Blues, groove eta zerbait gehiago da Gaby Jogeixek bere ekitaldietan eskaintzen duena. Bere perkusio estilo indartsua gitarran eta lap steelean, bere moldaketen indarra, show-ra hurbiltzen da, hain musikari gaztean zoragarriak diren giro eta gogo aldarteak sortuz. Rythm & Blues-etik, funk, eta 12 konpaseko Blues gaietara, houserock garbitik pasatuz, Gaby Jogeix besarkatu egiten ditu bere konposizioak eta bere
musikarien talentua. bere eskuetan Bluesa ez da batere aspergarria, ezta antzinakoa gertatzen!
Beti izan ditu gustuko sliderrak, Elmore James eta Ry Cooderrekin hasi eta Houd Dog Taylorrekin buka. Eta bi urte daramatza lap steel gitarra lantzen. Sakon aztertu ditu gospelen steelerrak, Campbell Brothers, Aubrey Ghent, edo Sonny Treadway, esate baterako, edo Robert Randolph modernoena. Hortik dator wahwah pedalarekiko joera, "Slide it Down" bezalako gai batzuetan. Gero eta Gospel eta Blues zaharraren elementu gehiago sartzen ditu bere errepertorioan, eta STEEL THE BLUES bere azken diskoan badago horren froga hain zuzen ere. Aipagarriak bere gaiak, eta baita, Saint James Infirmary-ren (Louis Amstrong) bertsio berriak ere; Jimi Hendrix-ekin ere ederki ausertzen dela.
