Gasteiz Big Band-en lan berria

Biniloan argitaratutako bi emaitzen ostean, Gasteiz Big Band taldeak berebiziko urratsa egin du album hau aurkeztuta, izan ere, sendotu egiten du musika genero honen aurrean ageri duen ikusmolde guztiz berezia. Tradizioaren esanahiaz eta musika honek bere testuinguruan duen zentzuaz guztiz jabetuta, hots, jostatzeko, dantza egiteko eta ongi pasatzeko musika dela argi eta garbi edukita, XXI. mendeak berezko dituen koordenadetara egokitzen da ezin hobe. Honenbestez hots klasikoak eta joera berriak nahasi egiten dira modu bikainean, guztiz indarberritura, lan honetan agerikoa den bezala. Will Holland "Quantic" deituak iradokitako ideia interesgarriaren bidetik: trantsizio bidean den tradizioa.