Hemen zaude: Hasiera Albisteak

Albisteak

Deutschland Tour

Deutschland Tour

Bere hasieratik Marco Martinez gitarra jotzaile asturiarraren ibilbideak ez du etenik izan, seriotasuna, konpromisoa, musikan aurrerapausoak egiteko grina eta, jazzaren esparruan eta bereziki jazz gitarraren eremuan, bere ideia musikalak adierazteko berariazko lurraldea bilatzeko kezka izan ditu ardatz. Hirukotean grabatu zuen Trio bere lehen diskoa eta martxoan Alemaniatik egingo du hamabost eguneko bira. 

Gehiago irakurri

Inprobisazioaren artea, errepikaezina

Inprobisazioaren artea, errepikaezina

Gitarrista, abeslari eta musikagile, urteen joanean Jazz eta Bluesarekin lotutako ezin konta ahala proiektutan parte hartu eta lehen bakarkako lana argitaratu eta gero, eszenako musikari original eta interesgarrienetako bat bihurtu da Jaby Sánchez, etengabe ari da inprobisazioaren lurraldea esploratzen eta Jazz garaikidea deritzon korronteetan barrena ibiltzen oso ikuspegi pertsonal batez. Hainbat proiektutan Sanchezen ohiko kolaboratzaile izanik, Marta Mansilla flautista ibilbide luzea egina da Jazzaren eta Flamenkoaren lurraldeetan. Elkarrekin grabatu eta kaleratu dute "Acuarela de paso" diskoa. Baldintzarik gabe entzuteko musika.

Gehiago irakurri

Sustraidun jazz zirraragarria

Sustraidun jazz zirraragarria

Osagaiak ohikoak eta ustez aski ezagunak direnean, emaitzak ere ohikoak izango direla aurresateko eta pentsatzeko joera dugu. Eta sarritan hala bada ere, osagai horiek Ander Garcia bezalako artista ausart, tematsu eta argi baten eskuetan erortzen direnean ezustekoa galanta izan daiteke. AmaHiru izenpean aurkezten duen lan berri hau horixe bera baita, ezusteko eder eta benetan zirraragarria. Bertan,  Anderren alderdi ikertzaile eta agian abentura zaleena azaltzen zaigu. Hots, Jorge Castañedaren pianoa eta Mikel Urretagoienaren bateriarekin osatzen duen Hirukoaren lan benetan aparta.

 

 

Gehiago irakurri

Rock laukote bilakaturik

Rock laukote bilakaturik

Edu Zelaieta idazleak eta Beñardo Goietxe eta Raul Garcia musikariek sortu zuen Mugaldekoak, Zelaietaren izenburu bereko poesia liburuko olerkiei musika jartzeko. Gerora beste poeta batzuen testuak ere musikatu ditu (Joan Margarit, Wislawa Szymborska, Margarita Robleda, Nazim Hikmet…), atzerriko abeslarien kantuak ekarri ditu euskarara (Johnny Cash, leonard Cohen, Vashty Bunyan, Bob Dylan) kantu propioak sortu ditu, eta nolabaiteko disko trilogia bat osatu du Gaztelupe Hotsak zigiluarekin: Biziago sentitzeak dakarren muga inguruan (2006), Begiak lekuko (2012) eta Galdemoduen trilogia (2017). Lan horiek aurkezteko hainbat emanaldi eskaini ditu Mugaldekoak urteotan, gehiebat formatu akustiko eta bilduan, Edu Zelaietaren poema irakuketak eta abestien interpretazioa uztartuz. Orain dela urtebete Mattin Arbelaitz bateria jotzailea batu zen taldera eta Xavi Perez ‘Bull’ baxu jotzailearen ekarpenarekin zuzenekoetako rock soinuaren aldeko apustua egitea erabaki zuten.

Gehiago irakurri

Blues Hotsak 2019

Blues Hotsak 2019

 

Urte batzuk ezer antolatu gabe pasa ondoren berriro martxan jarri dira Soraluzen musika beltzaren inguruko kontzertuak antolatzen jazza, bluesa eta musika beltza ezagutarazi eta gozatzeko asmoz. Lehengo moduan. Hiru egunetan hiru kontzertu: Shirley Davis  Soul estiloko europar diva berritzat hartua dena, The Allnighters Gasteizko blues talde beteranoa  zazpikote bihurtuta eta Jon Gurrutxaga eta Urbil Artola euskal  kantagintza eta bluesa uztartuz.

Gehiago irakurri

Anfetamiña eta Bowie

Anfetamiña eta Bowie

Xabier Montoia ren Anfetamiña (Susa, 1983)   poema liburuari musika jartzeko sortutako proiektua da Muga. Musikari beteranoek osatutakoa, 6Nemen9, Aterkings, Cancer Moon, Los Clavos, El Inquilino Comunista, Gringo, Arana moduko taldeetan ibilitakoak. Egitasmoan J.A. Areta Goñi “Juxe” argazkilariak ere hartzen du parte. Taldearen lehen diskoak zortzi abesti biltzen ditu, ildo ezberdinetakoak: badira rock alternatiboko aleak, eragin velvetiarrak dituztenak, une pop zaleak eta pasarte anbientalak. Halaber, Fermin Muguruzak ahotsa jarri dio liburuko poema ezagunenari, “Batzuentzat”, zeinean berarentzat historia David Bowiek ilea moztu zuen egunean hasi zela zioen Montoiak. 

Gehiago irakurri

Origami: ordainsaria bermatuta

Origami: ordainsaria bermatuta

 

Origami baten antzera, material hauskorrez, egitura sendo eta konplexuz eta guztiz ulertu ezin dezakegun edertasun koloretsu eta delikatu baten jabe da disko honetako musika. Nekez aurkituko dugu Joaquin Chacon-ek konposatutako kantu bilduma zoragarri honetara eta haien inguruan, Joaquin bera gitarjole moduan, Pablo Gutierrez piano eta organoan eta Daniel Garcia Bruno baterian osatzen duten oinarrizko hirukoteak Chris Kase-ren Flugelhorn pintzelkada sotil eta askeen laguntzaz landu dituzten interpretazioentzako izenburu aproposagorik.  Egunotan zuzenean Madrilgo Cafe Central-en. Entzun:

 

Gehiago irakurri

KIM LENZ: zorioneko heldutasuna

KIM LENZ: zorioneko heldutasuna

 Hogeigarren mendeko rockabillyak hogeita batgarren mendeko emakumearekin egin du topo.

EIBAR Portalea kluba urriak 13, igandea

Rodeoa egiten zuen amarekin eta Wolfman Jack-en zale amorratua zen aitarekin, laurogeita hamargarren hamarkadaren erdialdeaz geroztik rockabilly-aren erregina izan den Kim Lenzek gaztetandik ikasi zituen musika onari buruzkoak Los Angelesen. Janis Martin, Wanda Jackson, Faron Young eta Johnny Horton-en abesti zaharren grabazioak entzuten hazi zen Kim.

Gaur egun rockabillya egiten dutenen artean nabarmendutako pertsonaia izanik, orain arte Lenzek guztiz txalokatuak izan diren diskoak egin ditu Hightone edo Riley Records bezalako disko etxe ospetsuentzat, eta kritika beroak jaso ditu Estatu Batuetan eta Europan barrena egindako biretan. Rolling Stone aldizkariaren edizio iparramerikarrak hauxe esan du hari buruz “Elvis emakumea izan balitz, ziurrenik Kim Lenzen antzera abestuko luke.” Baina Kim rockabillyaren aitzindariengandik hurbilago egon da beti. Berak konposatu eta ekoitzi du ia errepertorio osoa, sustrai amerikarreko musikaren alorrean ezagutza handiak dituela erakutsiz. Horrela, argitaratu berri duen Slowly Speeding bere bosgarren albumak bluesera eta countryra ere hurbiltzen gaitu, baina rockabillya ahantzi gabe, harengatik generoko emakume artista hoberenaren saria eman baitzion 2015ean The Ameripolitan Music Awards-ek.


 

 

 

Gehiago irakurri

The Godfathers berriz gurean zuzenean

The Godfathers berriz gurean zuzenean

THE GODFATHERS Londresko taldeak berritu bat hartu du, baina buruzagi dauzka oraindik Peter Coyne frotmana, bandaren sortzailea, akitzen ez den zelula sortzailea.  Orain material berriarekin datoz eta “This Is War” bira honetan erakusten digute zer-nolako makina musikal indartsua diren zuzenean. Bergaran (Gipuzkoa) kontzertuan (urriak 5) disko berriko kantuekin batera betiko klasikoak errepasatuko dituzte. Hauek dira oholtzan:  Billy Duncanson, bateria (Heavy Drapes ohia), Wayne Vermaak, gitarra (The Great St. Louis ohia), Peter Coyne kantuan (The Godfathers founder member, The Sid Presley Experience ohia), Jon Priestley, baxuan (The Damned ohia), Richie Simpson, gitarra (Heavy Drapes ohia).

Gehiago irakurri

Behar bizia

Behar bizia

Alberto Arteta saxojole nafar gazteak ederki ulertu du jazzaren muina zein den, hain biziki maite dugun musika honen magia berezia non eta nola sortzen den, eta sentsibilitate berezi horri bere trebezia eta fintasuna gehitzen zaizkionean, “Behar Bizia” izeneko disko berri hau bezain liluragarriak dira emaitzak. 

Albertorekin batera, Alejandro Mingot , Kike Arza eta Dani Lizarragak osatzen duten laukote eta Chris Kase-ren tronpetak han eta hemen egiten dituen agerpenen arteko elkarrizketa, elkarbanatzea eta komunikazioa bere aberastasun osoan hausnartu ahal izateko.

 

Gehiago irakurri

Tonky de la Peña gitarra jotzaile eta abeslaria Paul San Martin pianistarekin batera

Tonky de la Peña gitarra jotzaile eta abeslaria Paul San Martin pianistarekin batera

Blues  zaleen artean nahiko ezagunak dira bi musikari beterano hauek.  Madriladarrak 

Tonky, Blues Band talde mitikoaren sortzaile eta buruak berrogei urte daramatza bluesa egiten eta donostiarrak

ongi ezagutzen du musika beltza orokorrean eta bereziki Bluesa, eta musika tradizio hori sakon ikasi, ikertu eta landu du. Elkartu egin dira biak eta Nafarroan, Donostian eta Elgetako herrian arituko dira. Azken kontzertu hau egiteko, Gipuzkoako herrizkan Goibeko Kultura Elkartea eta Ozkarbi jarri dira elkarlanean. Asmoa da formatu txikiko hainbat kontzertu egitea. Batzuetan izango dira Euskal Herrian biran dabiltzanak, gehienetan Euskal Herrikoak bertakoak, eta beti kalitatea zainduz. Frogatu nahi izan dugu ordutegi berezi hau ere, beste herri batzuetan funtzionatu duela ikusita.  Marianito kontzertuak deitzen dizkiete

Gehiago irakurri

Since 1993

Since 1993

Egiazko musikarentzat ez dago lasterbiderik. Kalitatea eta koherentzia dira hogeita bost urteko ibilbidean zehar irauteko sekretu bakarrak, gaur egun oso gutxirena den estilo batean, Jazza halaxe baita.  Laurogeita hamargarren urteetatik Bartzelonan bizi dira, Bilbo jaioterrian bertako Goi Mailako Musika Kontserbatoriotik igaro ondoren. Juan de Diegoren (tronpeta) eta Víctor de Diegoren (saxoa) karrerak batera zein bakarka izan dira, batera De Diego Brothers gisa, eta bakarka bakoitza bere proiektu pertsonalak aurrera eramanez eta erreferentziako musikari askorekin lan eginez. Formazioak 25 urte bete dituela Since 1993 izeneko diskoa kaleratu berri dute.                                                                                                                                 

 

Gehiago irakurri

Europako Blues agertokian erreferente diren bi artista

Europako Blues agertokian erreferente diren bi artista

Berlinen (Alemanian) bizi den blues musikari iparramerikarra da Will Jacobs. 26 urte ditu eta 12 urte bete zituenez geroztik ari da blues munduan murgilduta, zuria da eta musika tresna ugari jotzen ditu.  Los Reyes del KO talde mitikoaren sortzaile izan zen Marcos Coll artista handiarekin batu da eta  disko indartsua kaleratu berri dute.  Takin` our time

Hemen duzu bideo EZ ofiziala

 

Gehiago irakurri

Zaharrak berri eta zirraragarri

Zaharrak berri eta zirraragarri

50 urte zituela hasi zen Alejandro Irizar dultzaina jotzen, etxekoek oparituta. Instrumentu bat (ber)aurkitu eta ikasten hasteko sekula berandu ez dela ederki erakutsiz. Alejandro bezala, geu entzuleok antzeko berraurkikuntza bat egitera gonbidatzen gaitu grabaketa berezi honek. Bertan, Jon Ostolaza soinujolearekin batera proposatzen den dultzaina/soinu txiki konbinaketa ez baita batere ohikoa, eta arrotza egiten zaigu hasera batean baina berehala halako freskotasun bizigarria sumatzen hasten gara trikitixa, porrusalda, fandango, arin-arin, balts, pasodoble edota kunbia moduko doinu eta erritmo aski ezagunak lehen aldiz entzuten ari baikinen.  Osto eta Ale da diskoaren izena.

Enzun: Mendiko presak

Gehiago irakurri

Bestiarium

Bestiarium

Iragan mende amaieran gurean batere arruntak ez ziren ezaugarriak zeuzkaten bi lagun (Coni Duchess eta Martin Guevara) azaldu eta zeresana ematen hasi zirenean sumatu zuten bertako zaharrenek ezohiko zerbait interesgarria gertatzekotan zegoela. Elektrizitatean murgildutako lehen zeremonia bihurtutako kontzertuei esker hasi ziren zaleak erakartzen, handituz joan zen haien itzala, eta diskografia ere bai. Bestiarium. Horixe du goiburu etengabeko hazte horretan kapitulu berri honek. Dozena bat bala blindatu. Bilakaeraren beste erakustaldi bat erreferenteak galdu gabe.  Capsula sasoi bete-betean!! Diskoa eskuragai hemen

 

 

Gehiago irakurri

Piano bluesaren erreferentzia

Stay Blues taldearekin hasi zen, eta "Tracks" izan zuen bakarka kaleratutako lehen diskoa. Geroago joko zuen “Paul´s Moods” eta “Single” diskoetan Romain Gratalon bateria jotzaile frantsesarekin batean, eta azkenik "A French Session" , bere azken diskoa izan du helmuga. Prestakuntza klasikoa izan duten musikarien taldekoa da Paul San Martin, ongi ezagutzen dute musika beltza orokorrean eta bereziki Bluesa, eta musika tradizio hori sakon ikasi, ikertu eta landu dute urteen joanean eta ezohiko maisutasunez, horri esker bihurtu da Paul erreferentziazko pianista eta abeslaria estatuko zirkuitu osoan barrena.

 

 

Gehiago irakurri

inertziaren aurkako gudua

inertziaren aurkako gudua

Itsaso gupidagabea, kresal eta taberna usaina, folkaren sustraiak, kausa galduak, bidaiariaren malenkonia eta bi trobadore graziazko egoeran, eta horrekin batera popa, psikodelia, country, blues, rock and roll jarrera eta hirurogeigarren eta hirurogeita hamargarren urteetako oroitzapenak; horri guztiari esker, leku bikainean finkatzen ari da  FAMILY FOLKS-en bigarren diskoa.  Jada eskuragai  LPbinilo bikoitzean eta CD   euskarrietan.

THE ANVIL SEA diskoak kresal, malenkonia eta tabernako jai usaina du, egungo folk usaina zapore gozoez betea, asperkizunaren itsaso gupidagabetik ateratzen gaituena, baina talde bikain baten, FAMILY FOLKS taldearen graziazko egoera ospatzen duen lana da batez ere.

 

 

Gehiago irakurri

Maite Larburu grabatzen ari da

Maite Larburu grabatzen ari da

Maite Larburu musikari bidaiaria da. Biolin jole klasiko nomada, ogibidez. Euskal Herrian Neighbor taldearen kantugile eta gidari egin zen ezagun. Baina oraingoan proiektu propio eta berria dakar. Hilabete honetan grabatzen ari da Usurbilgo Higain estudioan Haritz Harreguy teknikari eta ekoizlearen laguntzarekin. "Hezurren azpian", 11 kantuz osatutako diskoa martxoan argitaratuko da Gaztelupeko Hotsak zigilupean eta zuzenean arituko da laukotean.

 

 

Gehiago irakurri

Musika bidaiaria eta inprobisazioa

Musika bidaiaria eta inprobisazioa

Elkarrekin apailatutako lehenengo diskoan ("Pagoda") jada agerian utzi zituzten proposamenaren orijinaltasuna  eta musika tresnen elkarketa honen berezitasuna, entzuleari abesti sorta guztiz gogoangarria eskaintzeko. Javier López Jaso soinujole nafarrak eta Marcelo Escrich kontrabaxu jotzaile argentinarrak, Alberto Arteta saxo tenorraren lankidetzaz gain, Luis Giménez gitarrista eta Daniel Lizarraga bateria jotzailea dituzte lagun, eta beraz, berriz ere aurkezten digute proiektua laukote baten formatuarekin.  Aporía bigarren lan hau egileen jatorrien eta beren arteko elkarlanaren emaitza da . Harmoniez eta isiluneez beteriko lan bikaina, bizipenez betea. Entzun: ContrahuellasEntzun  mp3

 

Gehiago irakurri

musika ederra egiten duen gitarra jotzailea

musika ederra egiten duen gitarra jotzailea

Instrumentua esku hartean hartu zuenetik ez du etenik izan Marco Martinezen ibilbideak, seriotasuna, konpromisoa, musikan aurrerapausoak egiteko grina eta, jazzaren esparruan eta bereziki jazz gitarraren eremuan, bere ideia musikalak adierazteko berariazko lurraldea bilatzeko kezka izan ditu ardatz.

Ildo horretatik, egilearen proposamen honek musika molde honetan horren beharrezkoak diren tradizioaren eta hizkuntzaren elementuak eta gaur egungo jazz estetiketatik gertuago dauden alderdi abangoardistagoak uztartzen ditu.

Trio da bere lehen lan diskografiko gozagarria.           Entzun: Fulero Hot        mp3

 

 

Gehiago irakurri