albisteak

Talde bilbotar-argentinarrak bi kontzertu eskaini ditu arrakastasu asteon Kolonbian, Austingo SXSW jaialdian izango dira, New York-en grabatuko dute eta hainbat disko berrargitaratuko dituzte. Gelditu ezinak¡¡

Muy personal (Errabal, 2011) jazz diskoa aurkezten

25 urtetan musikari askoren zerbitzuan aritu ondoren,  konposaketa propioez osatutako bere lehen diskoa kaleratu berri du.

Carlos Velasco gitarra,   Borja Barrueta bateria, perkusioak  Ivan San Miguel kontrabaxua.

Travellin´Brothers blues talde beterano bizkaitarra gaur egun dena izatera iritsi baldin bada, lanari esker izan da, urteotan errepidean ibili baita etengabe, kontzertuak eskainiz, blues jaialdi handietan zein areto txikietan. Hala ere, erronka eta pizgarri berriak behar zituen taldeak. Horrela sortu zen beste  hamar partaidez osatutako big band batekin disko bat zuzenean grabatzeko ideia.  Goi mailako musika, ekoizpen bikaina eta irudi zoragarriak jasotzen dira argitaratutako CD eta DVD bikoitzean. Captured Live in Leioa   Entzun: Midnight Train

 Zuzenean larunbat honetan, hilak 21, Bilboko Kafe Antzokian, 21:30tan + Txus Blues & Jose Bluefingers

Troy Nahumko (gitarra, aho-soinua) kanadarra eta José Lios Naranjo (aho-soinua) cacerestarra dira Guitar Not so Slim taldeko buruak. Moi Martinen baxu elektrikoa eta Lolo González en bateriarekin batera, gaur egun Extremadurako blues talde erreferentziala bihurtu dira.

Bailout euren bigarren diskoa. Entzun

Bost urte behar izan ditu euskal eta frantziar jatorriko gitarristak Hermosa Beach hirugarren diskoa grabatzeko, Los Angelesen grabatu du eta Kirk Fletcher (The Fabulous Thunderbirds, Charles Musselwhite) gitarrista izan du ekoizle lanetan. Asteartean, abenduak 13an, Madrilen (Boite Live aretoan)  aurkeztuko du zuzenean.

Entzun : Shake. Shake

Mikel Andonegik lider gisa sinatzen duen hirugarren diskoa da Hiru, eta jazz hirukote akustikoaren formatuarekin grabatzen duen lehenengoa. Bere egitasmo guztietan bezala, musika beltzaren tradiziotik, edo tradizioetatik, abiatuta zerbait berria sortzeko grinak akuilaturiko diskoa da.

Zuzenean hilaren 14, asteazkenean, Donostiako Altxerri jazz klubean, gaueko 21:30tan + Jimmy Bidaurreta & Basics. Jazz, soul, funk.

Entzun : Colonel Parker

Johnny Cash hil zenetik zortzi urte igaro ostean, Euskal Herrian kantari estatubatuarrari egin zaion lehen omenezko diskoa duzu esku artean. Hogei talde batu egin dira beltzezko gizonaren kantuak gogora ekartzeko. BELTZA

Entzun : Zarama (Jon & Johnny Cash)

Estilo anitzetaz zipriztindutako diskoa osatu du Andoni Arcilla, konpositore, abeslari eta pianojotzaile iruñearrak. Lana, egungo euskal poeten egokitzapen sorta da, egungo jazzaren testuingurura bildurik. Jazz abestuak eta musika garaikideak emandako urrats garrantzitsua euskaltasunetik.    

Non dago Basque´s Harbour (Koldo Izagirre)

Disko hau grabatu aurretik, kontzertu ugari eman dituzte, akustikoak eta gordinak baina biziak, beroak eta elektrizitatez beterikoak, zeinetan beren gustuko kantarien abestiak aletzen dituzten. Rhythm & blues-aren klasikoak eta eurek konposatutakoak

Hirukoteak atzean uzten du jatorrian elkartu zuen aitzakia –hemen ez da Kurt Cobainen arrastorik–, eta BE izeneko bigarren emaitzan konposaketa propioak eta bi bertsio berezi grabatu dituzte. Oleaga, Luzuriaga eta Abadias  bete betean. Jazzetik haratago.

Entzun : Irigoyengo ohiartzunak

Mara-mara, Igor Arzuagak sortutako kantuen bilduma da, baina Luis Vilen parte-hartzea funtsezkoa izan da, hala ekoizpenean nola moldaketetan. Bien artean, instrumentazio aberatsa eta zaindua  duen disko ederra osatu dute, kantu guztiak azpian hartzen dituen giro orokor baten barruan euren  eraginak jasotzea lortu baitute, koherentzia eta osotasunari uko egin gabe. Entzun mostra bat

Bi hamarkada luze pasa behar izan dira gitarrajole bizkaitarrak bere lehen grabazioa karrikaratzeko. Muy Personal diskoan konposaketa onak eta musikari bikainak uztartzen dira entzuleen gozamenerako. Errabal jazz zigiluaren eskutik

Entzun : That old touch

Jotakie eta Dirección Obligatoria taldeetan aritu ondoren urte batzuk geroago PATTA musikari azkoitiarrak SENDAEZINAK talde berria osatu eta diskoa kaleratuko du datorren astean. Musikarien artean, Luciano Martin Luka baxuan. UROLAN POP.

Entzun Aspertuta

Paul San Martin musikariak kaleratu berri du Tracks izenburuko diskoa. Bertan blues akustikoa jorratzen du, batzutan instrumentala eta bestetan abestuz. Stay Blues taldearekin ezaguna bada ere, orain bakarka entzuteko parada izango da azaroak 10ean, Donostiako FNACen (19:00) .

Abenduaren 21ean Altxerrin izango da Travellin´Brothers taldearekin batera, hauek ere disko berria aurkeztuz.

Entzun : Roll´Em Pete

Zugarramurdin bizi den Carles Belda trikitilari kataluniarrak hitzezko saioa eskainiko du astearten honetan, hilak 8, Soraluzeko Herriko zineman.

Gaia:  Soinu txikiaren ibilbideak munduan zehar.

Musikariarekin solasaldia egin eta musika entzuteko parada izango da.

Bertako lan taldea Europako bi musika jaialdi garrantzitsutan dihardu banatuta. Batetik Copenhagen egiten ari den WOMEX 2011, munduko herri musikei eskainitako topaketetan eta bestetik Puerto de Santa Marian (Andaluzian) hirugarren aldiz ospatzen den MONKEY WEEK jaialdia, pop-rockaren joera berriei begira.

Paul San Martin Stay Blues taldearen bidez ezagutzen dute blues, jazz eta bestelako doinu beltzen jarraitzaileek, 1997. urteaz geroztik jaialdiz jaialdi  eta tabernaz taberna aritu baita talde donostiarra emanaldiak eskaintzen. Taldearekin diskoa kaleratu ondoren, bide beretik doa San Martinek bakarka, ahotsaz eta pianoz, grabatu duen Tracks izeneko lan berri hau.

Entzun : Roll´Em Pete

Axularren esaera zaharrari gorpuzkera ematen dioten blues musikari horietako bat da Marcos Coll. Under the wings disko bikoitzak ibilbide zabal horren lagin bat jasotzen du, 1999tik 2011ra bitartean grabaturiko kantuak. Diskoa entzutean argi geratzen da Marcos Coll ez dela blues musikari soil bat; musikari handi bat da, bluesaz gain musika beltzarekin harremana duen beste edozein estilora (funk, hip hop, soul, afrofunk…) moldatzeko gaitasuna duen aho soinu jotzaile aparta.

 Natural Man + Aron Burton eta Chris Rannenberg

Viaje a Etreum aurreranzko urrats sendoa da Miguel Salvadorren proiektuan. Gitarra jotzaile bilbotarraren idazmenak asko irabazi du berehalakotasunean, eta zehatzago bihurtu da, meditazioari ez hain emana, disko berri honetan lagun duen castingaren sinplifikazioak mesede egiten baitio. Errabalentzako egindako aurreneko grabazio hartan esku hartu zuen jendetza hartatik Hasier Oleaga baizik ez da geratzen, beti bezain gogotsu. Bateria jotzailea eroso dago errepertorio honetan, hiri paisaia handi baten gisara diseinatuan, berezko duen habitatari egokiturik. Cita con Z bezalako gaietan bikain dago, ezin besterik esan.

Entzun: Cita con Z

 La Teoria del Taburete taldeko kideek, emakumeen bluesaren mundua ez dela bere osotasunean ezagutzen kontuan hartuta, generoaren aitzindari izandako emakumeei merezi duten omenaldia egitea pentsatu zuten.  Horrela, urte betetik gora zuzeneko musika eskaintzen duten lokaletan, hiritarren zentroetan eta antzokietan irudikatu duten  emaitza Homenatge a les Grans Dames del Blues diskoan argitaratu dute.  Bertan, bertsioez gain ( Bessie Smith, Ma Rainey, Billie Holiday,,,), "Big Mama" Montseri eskainitako abesti originala jasotzen da. Era akustikoan blueswomanei Kataluniatik egindako omenaldia.   Entzun