albisteak

80. hamarkadan Euskal Herrian M-AK taldean pop abangoadia zalea eta jazzera hurbilketa egin eta gero , AEBtara egin zuen jauzia eta bertan J Dilla X abeslaria ezagutu zuen, eta  Lovehead, "Rock beltza" egiten zuen taldea sortu zuten. Ameriketan eta Europan hainbat bira eginez.  Ondoren, estilo askotariko gauzak egin zituen.

Andonegiren helburu nagusia berak abesturiko disko bat ateratzea zen, eta 1997an lortu zuen, Illegal Alien lanarekin. Handik sortu zen Poetic Babies, haren gaur egungo proiektua. John Roggie ekoizle estatubatuarrarekin batera Adding Strangeness to Your Sense of Beauty since 1998 ondu du estudioan, beste musikaririk gabe. Izenburuak Andonegiren ikuspegi artistikoa laburbiltzen du. Disko honetan entzungo duzu proiektu honen emaitza.

Internet bitartez eta doan lortu ahal izango da Keu Agirretxea Ondarroako musikariaren disko berria. 10 abestik osatuta dago eta grabatu bezala, bata bestearen atzetik, zabalduko dira MP3an. Lehenengo kanta urtarrilaren bukaeran entzun eta jaitsi ahal izango da. Hona hemen lehena Zuregana abiatzen naiz izenekoa

BILL LYERLY + TRAVELLIN´BROTHERS Blues, country, swing, rockanroll

KEMEN LERTXUNDI + ESNE BELTZA Euskal kantagintzaren ahots berria eta triki saioa

FLAKUTT   Txalaparta eta elektronika. Disko berriaren aurkezpena

EUREKA HOT 4   Soul-Punk suziri goria. Erritmo beltz izarditsuak

Egia esate aldera, halakoak egitera ohituta daude Petti zein Barrence Whitfield; biek ala biek ondo baino hobeto dakite zer den beste musikariekin lan egitea. Kantari nafarrak aurretik eginak ditu horrelako diskoak Anari, Txuma Murugarren eta Rafa Ruedarekin. Eta Whitfieldek, zer esanik ez. Rock&roll, blues, funk eta soul musikaren legenda bat da Whitfield, urte luzez The Savages taldearekin ibilitakoa, Richard Thompson, Solomon Burke, Los Lobos, Taj Mahal eta beste askorekin agertokian egondakoa, eta azken aldian, The Hi-Risers taldearekin. Oso ezberdinak izanagatik, biak abeslari bikainak, indartsuak eta senekoak dira, eta disko batean biltzeko ideia oso erakargarria izan da. Petti eta Barrence Whitfield, Bera eta Boston, gaztetasuna eta esperientzia, euskara eta ingelesa, rock&rollak loturik. Grabazioa kalean dago jada eta otsailean zuzenean entzuteko aukera izango da.

Euskal kantagintza eta trikidub soinuak era akustikoan

Urtarrilak 20, larunbata. BILBO. Cotton club. 20:00 (puntualitatez)

Kontzertu berezia ostegun honetan - urtarrilak 21- Bilboko Cotton Club aretoan. Alde batetik PETTI, gure artean folka eta bluesa modu partikularrean  lantzen duen kantari bereziena eta bestetik rock alternatiboko CAPSULA, talde argentinar/bilbotarra. Era akustikoan egingo dute kontzertua. Disfrutatzeko¡¡

Bizkaian sortua, Frantzian bizi eta gaur egun Madrilen bizi den bluesmana benetan bikaina da Gaby Jogeix lap steelean, eta baita gitarra elektrikoarekin ere. Ideia sortzaileak ditu eta ez da bereziki musikari baten imitatzaile, askoren eragina sumatzen bazaio ere. Aste honetan izango da gure artean –Bizkaiko Jazz Blues Zirkuituan (20-Basauri, 22-Leioa, 23-Ermua) eta Gasteizen (21) - bere taldearekin

Estatu Batuetatik etorritako musikari beteranoak bere taldearekin eta Bilboko formazio euskaldunak elkarrekin eskainiko dituzte hiru kontzertu urtarrilean. Kalitatezko bluesa, countrya, swinga eta rockanrolla entzuteko parada Leioan (osteguna14), Elgetan (ostirala 15) eta Bilbon (ostirala 29)

Bill Lyerly: "Only want to be with you"

Travellin Brothers: "Rocket to the moon"

Jose Vera Mallorkan sortutako musikariak disko orekatua lortu du, zeinetan fusion izenak konnotazio positiboak lehenengoz bere egiten dituen. Jazzaren atmosferak funkari, kolore afrikar-karibetar eta mediterraneoarrei, elektrizitateari, egiten die leku.

Uharteko Txalaparta Tailerrak (Nafarroa) eta  Elektroflak egitasmo elektronikoak osatzen dute Flakutt taldea.  Bere lehen diskoko kantuak entzunda musika elektronikoak eta txalapartak aspaldiko ahaidek direla dirudi, izan ere, itxura batean arraotz diren zenbait elementu batzean gauza ederrak sortzen dira.

Kataluniatik Blues emakume historikoak kontzertuak  eskainiko ditu bere taldearekin Bizkaian

BIG MAMA: ahotsa eta gitarra    VICTOR PUERTAS: harmonika

MANOLO GERMÁN: kontrabaxua     OLIVIER ROCQUE: bateria

Abenduak 16, asteazkena. BASAURI Ibaigane kultur etxea. 19:30

Abenduak 17, osteguna, ZORNOTZA. Zelaieta zentrua, 20:30

Abenduak 19, larunbata. ERMUA. Lobiano kultur etxea. 20:00

Blues-Jazz Bizkaia Zirkuitua

Aste honetan karrikaratuko da Esne Beltza taldearen inguruan sortutako egitasmo berria  CD eta DVD euskarrietan. Esne Zopak izenpean Xabier Solano musikariak doinu akustikoekin zuen zorra kitatzen du 16 kantu berri grabatuz. Diskoarekin batera triki jotzaile beteranoekin egindako elkarrizketak eta Tropofilm ekoiztetxeak, Mikel Laskurain eta Ane Elordi aktoreekin burututako laburmetraia, zuzeneko kontzertuarekin batera jasotzen dira DVDan.

Jimmy Arrabit bateria jotzaile eskarmentudun eta molde askodunak (Itoiz, King Mafrundi, Sustraia...) gidatu du hirukoaren egitekoa.  Bateria jotzaile bezala pentsatutako konponketa eta garapenak dituzte diskoa osatzen duten piezek, baina ez dago bateriaren diktadurarik.  Egunotan eskuragai eta zuzenean Bizkaiko Blues-Jazz zirkuituan (Ikus agenda).

Espazioak ongi orekatuak daude hiru musika tresnentzat, eta Fred Feugasen pianoak eta Xabi Hayeten kontrabaxuak ederki dantza egiten dute Arrabiten bateriak markaturiko erritmo basaren menera. Zenbaitetan pianoak hartzen du gidaritza, baina bateriaren perkusio hotsa beti da oso present.

Iaz kaleratutako Galdutako zubixak kantu eta eta hitzen bildumaren ondoren, Kemen Lertxundi ondarrutarraren lehen lan luzea udazkenarekin kaleratu da Begi berriak atzo gaueko irudientzat izenekoa.  Azken urteotan euskal musikagintzak eman duen ahots interesgarrienetako bat

“The return to the action!” aurreneko EP kaleratu eta bi urte geroago, The Dirty Pink Ladies itzuli egin da aurreneko luzearekin, SUNRISE ORCHESTRA, oraingo honetan Bloody Hotsak etxearen eskutik. Bederatzi gai, ingelesez eta gaztelaniaz, Rock & Roll nagusi, baina baita 60. eta 70. urteetan barrena bidaiatzen diren doinuak ere.

UEK taldearen 10. urteurrena ospatzeko bilduma eta kantu berriak.

Hiru instrumental originalak estudioan grabaturikoak eta bilduma bat.

Kemen Lertxundi poeta eta musikari gazteak argitaratzen duen bigarren lana da Begi berriak atzo gaueko irudientzat. Bertan hamar kantu berri, testu propioak eta Leonard Cohenen bertsio bat jaso ditu.

Diskoa, aurtengo udan grabatu zen Azkarateko Katarain estudioan, Jonan Ordorika teknikariarekin eta urriaren amaieran izango da eskuragarri Gaztelupeko Hotsaken eskutik

Asteon eta hurrengoan egingo da seigarren aldiz ERRABAL jaialdi ibiltaria Deba bailarako hainbat lekutan. Eibar, Soraluze, Mutriku eta Elgeta izango dira herrian eta bertan arituko dira Miguel Salvador, Organiks, Bill Lyerly eta Mokoomba talde afrikarra.