Bigarren disko honetan Jens Lagegren (baxua), Jesper Karlsson (bateria; Diamond Dogs) eta Robert Pehrsson (gitarra) bildu ditu Dahlqvistek taldera, eta Mattias Barjed (The Soundtrack of Our Lives) izan du ekoizle. Hitzetan kolaboratu dutenen artean berriz, Kenny Hakansson (The Hellacopters) eta Ebbot Lundberg (The Soundtrack of Our Lives) daude. Taldeak dioenez, Fleetwood Mac-en “Then play on” eta Rolling Stonesen “Some girls” zituen buruan diskoa sortzerakoan, baina azkenean guztiz bestelako bide bat hartu zuten, Dahlqvistek eta Barjedek miresten dituzten 70ko hamarkadako gitarristengan inspiratuz. Rock&rollaren Eskandinaviako meategi agortezinetik ateratako urrea duzu Republic disgrace.Goitik behera disfrutatzen den rock&roll klasikoko diskoa.