Víctor Aneiros Band

Por esta céntrica praza do casco antigo de Santiago pasou en xullo o folc, o soul, o gospel e agora é a quenda para o blues da man da Víctor Aneiros Band.

Esta banda, creada en 1998, ten xa no mercado tres discos: Víctor Aneiros and blue notes, Live in Montreux e O blues do amencer.

O creador da formación, Víctor Aneiros, é un músico de longa traxectoria musical. Comezou a súa carreira formando parte de diversos grupos nos oitenta, década na que ademais compuxo a música para o espectáculo Eche 20 centavos en la ranura. Nos noventa formou, xunto á cantante canadiana Julie Guravich, Acceso Norte ata que a mediados desa década Víctor Aneiros pasou a formar parte de Forcadas Blues Banda. No comezo do novo século nacía Víctor Aneiros Band.

Nesta banda Víctor Aneiros está acompañado por Manuel Gutiérrez, Marcos Sánchez e Alejandro Masafret. O primeiro deles formou parte de grupos como Unión Costa Oeste e a posterior Big Band Unión Costa Oeste e antes de chegar á Victor Aneiros Band pasou por formacións como Tándem e ADN. Marcos Sánchez compaxinou os seus estudos musicais coas actuacións de dúas Big Band de cadanseu conservatorio en Viveiro e Ferrol. Finalmente, Alejandro Masafret, aínda sendo o máis novo do grupo conta cunha ampla traxectoria musical en grupos de todo: de rock con Poetas Urbanos e Metiendo la Pata, de pop con Entre Paréntesis... Antes da Víctor Aneiros Band formou parte de McKuin e Riff-Raff.
25 de xullo de 2005 24:00 - 01:30

Actividades nas rúas de Compostela: Praza do Toural