Desoreka rock talde lezoarrak bere leehen CDa kaleratu du «Konplizitatea lortu dugu Haritz Harreguyrekin eta hori oso garrantzitsua da» F. I./

DONOSTIA. DV. Desoreka rock taldeak bere lehenbiziko CDa kaleratu du: Desoreka (Gaztelupeko hotsak). Gogorra izan da estudioko lana, guk denok lana daukagu eta lana bukatutakoan egin behar izan dugu grabazioa, baina merezi zuen. Konplizitate handia lortu dugu Garate estudioko Haritz Harreguyrekin eta hori oso-oso garrantzi-tsua izan da, esan dute.

Aurreko beste grabazio ba-tzuk kontuan hartuta, Desorekako lagunek garbi zeukaten Garate estudioan burutu behar zutela diskoa. «Guk ez daukagu dirurik eta estudioko lana azkar egin behar izan dugu, baina pozik jardun gara hala ere».

Aurretik beste talde batzuetan ibilitako lagun batzuek osatu zuten Desoreka, Lezon. 2002an kaleratu zuten lehen maketa, eta emaitza hari esker zenbait lehiaketatan parte har-tzeko aukera izan zuten.

Beren lehen CD honetan kolaboratzaile dezente izan dute, besteak beste Zea Mays taldeko Aiora kantaria eta didjeridoo-a jotzen duen Iban Nikolai. Gainera, Nikolairen bidez beste perkusionista batzuk ere inguratu dira. «Aiorarena harrigarria izan da. Gu batere ezagutu gabe baiezkoa eman zigun eta krak bat da, Garaten frogatu zigunez», esan zuten lehengo astean taldekideek, KMn diskoa aurkeztean.

Testu guztiak taldekideek idatziak dira, bat izan ezik, eta hura Eñaut Gantxegi, Entzun! aldizkariko lagunak idatzi die.