Hasiera batean bertsolari bi (Unai Iturriaga eta Igor Elortza) eta musikari baten (Josu Zabala, Hertzainak taldeko kide ohia) proiektua zena gerora zazpi laguneko talde batean gorpuztu zen. 1994ko apririlean izan zuten euren lehenengo estrenaldia Basaurin. 1994ko aberndurako maketa argitaratu eta bira txiki bat egin zuten Euskal Herrian zehar AEKren eskutik. 1995ek otsailean diskoa argitartu zuten eta hortik eta 1996ko apririlera arte Euskal Herri osoan zehar hogeita hamar emanalditik gora izan zituzten.

Pobreziaren gaiaren inguruko emanaldi hari Bilboko Kafe Antzokian amaiera eman ondoren, burubelarri sartu ziren berriz ere beste proiektu baten prestaketan. Urtebete luzeko prestaketen ostean 7 Eskaleko kideek Barrenkaleko Bluesak izeneko lana aurkezten digute. Lan honetan ildo nagusi bezala drogen gaia agertzen da. Drogen gaia ikuspegi zabal batetik tratatzen da: droga legezkoak, legez-kanpokoak, kulturalak, ondorenak, pozak, miseriak... eta istorio hauen guztien kokaleku "Barrenkale".

Azken batean "Barrenkale" alegiazko espazio bat baino ez da, fikzizozko kale bat; geure herrian, geure hirian edo albokoan ezagutzen dugun kale hori. Barrenkale da batzuk ikusi ere egin nahi ez duten kale hori. Halabaina, barrenkale egon badago eta existitzen da eta drogak ere egon badaude eta existitzen dira.

Barrenkaleko Bluesak emanaldian, aurrekoan bezala, bertsoak Unai Iturriaga eta Igor Elortza bertsolarienak dira eta musikaren ardura Josu Zabalarena. Azken honen Mekoletako estudioan grabatu zen lana. Nahasketak eta edizioa Berrizen egin ziren, Lorentzo Recordsen 97ko uda-udazkenean. Bertan izan ziren laguntzaileak: Bingen Mendizabal (arregloak eta mandolina), Karlitos "Mahoma", Txanpinete, Cubako Septeto Santiaguero, Txabi Labaien, Alex albokari, Ruben saxolari...Emanaldi ugari eman eta gero harri bitxi moduan geratu den blues ikutuko diskoa.