|
|
Kemen Lertxundi, Ondarroako poeta eta musikari gazteak argitaratzen duen lehen lana da Galdutako zubixak. Bi bideak elkar gurutzatu eta lotzen dira bertan. Testuen koadernoan kantuek eta poemek egilearen biografia sentimental moduko bat osatzen dute, giza harreman orotan aurkitzen ditugun sentimenduez hornitua.
Diskoan bi formatutan agertzen zaigu kantaria; batean, bakarka eta era akustikoan, kapaza da akorde gutxi batzuekin intentsitateaz betetzeko kantuak. Bestean, Ondarroako Garden rock progresiboko taldeko musikarien babesaz, indar melodiko handiko eta moldaketa klasikoez jantzitako pop-rock eremura eta errepideko rock amerikarrera jotzen dute kantuek. Disko-liburua merkeago eskuratzeko aukera daukazu
Gehiago irakurri...
|
2008-06-18 / 18:18
LASTURBIDEAN: Erromeriaren giro bizia
Egunotan kaleratzen da Ostolaza eta Pujana trikitilariek zuzenean grabatu berri duten diskoa. Bertan Sakabi, Elgeta, Gelatxo eta Txankarta soinujoleek Lastur-Itziarko plazetan jotzen zituzten piezak dira entzungarri. Grabazioan, oraindik ere indarrean dirauen erromeri giroa jaso nahi izan dute. Horretarako, zuzeneko bi grabaketa burutu ziren eta bertan jendearen txalo eta irrintziak entzuteaz gain, dantzariak ere somatzen dira. Asteko eskaintza berezia 7 eurotan
Gehiago irakurri...
|
2008-05-27 / 19:11
Afrika ezagutu Body Mind and Soul taldearekin
Body Mind & Soul taldea Ipar Malawi (Afrika)ko sei lagunek osatua da, Davie Luhanga, Street Rar (kaleko arratoia) denen buru. Souls of the Ghetto izenarekin egin zituen taldeak bere lehen urratsak, reggae musika jotzen. 2005. urtetik aurrera bere sustrai malawiarrek erakarrita osatu zen gaur eguneko taldea, eta kideen arbasoen kultura garaikoarekin partekatzeko garrantziaz ohartu ziren. Eurek voodjaz esaten dioten musika kontzeptu berria sortu zuten molde askotako saioak egin ostean. Musika tradizionalaren eta jazzaren feelingaren arteko nahasketa da, Malawiko iraganeko eta garaiko kulturen arteko zubi musikala. 2007ko maiatzean jaso zuen taldeak nazioarteko lehenengo saria, Music Crossroads Southern Africa InterRegional Jaialdian (Zimbabwe) boto gehien jaso zituen taldea izan zenean. Sari honi esker lehenengo bira egingo baitu Europan barrena 2008ko udan. Ekainean izango ditugu gure artean Oñatin, Zarautzen, Zornotzan eta Eibarren.
Hitzaldiak ere eskeiniko dituzte euren bizi esperientziak azaltzeko
Gehiago irakurri...
|
2008-05-21 / 20:09
ESNE BELTZA: made in Euskal Herria
Soinu, erritmo eta hizkuntzen arteko nahasketa kitzikagarria aurkezten digu Esne Beltza taldeak estraineko lan honetan. Zuriek egindako musika beltza da (soul, ska, reggae), beste hamaika kolore duen musika sortuz. Etzakit taldean hasi zenetik Fermin Muguruzaren ondoan igarotako urteak bitartean pilatutako eraginak, ezagututako esperientziak eta lagunak eta barneratutako irakaspenak bildu ditu Xabier Solanok familia baten gisakoa den proiektu honetan, hamaika eszenatoki eta taldetan ((Fermin Muguruza, Joxe Ripiau, Sutagar, MaldeOjo, Etzakit...) aritutako musikariekin batera.
Musika elektronikoko diskoen grabazioan eta ekoizpenean gero eta esperientzia handiagoa duen Xabi Peryk (Itoiz taldeko kide ohia) soinu mahaian erakutsitako esku trebeaz biribildutako lana. maiatzean kaleratzen da euren lehen disko luzea eta egunotan 7 eurotan daukazu eskuragai. Erosi
Gehiago irakurri...
|
2008-05-12 / 19:37
Tiger! Tiger! : Atlantatik datorren rock berezia
Tiger! Tiger! taldea Subsonics Buffi Agüeroren bateriaren talde berria da, baina hemen danborrak alde batera uzten ditu eta eszenatokiaren erdian abesten du gitarra lagun, Nancy Sinatra punk edo lo-fi rockari emandako Patti Smith bihurtzeko. Black Lips lagun miretsien baimenarekin, Atlantan egun sasoikoen dabilen taldea da. Estreineko diskoa kaleratu berri dute Bloody Hotsak zigiluarekin -Erosi 7 eurotan - eta egunotan gure artean izango dira zuzenan jotzen Subsonics taldearekin batera.Ikus Agenda
Gehiago irakurri...
|
2008-04-21 / 18:00
JULIAN KANEVSKY: kantuak egiten dituen gitarrista
Musikari argentinarraren bakarkako lehen diskoa -Javier Vacas (baxua) eta Antonio Alvarez Pax (bateria eta perkusioa) musikari eta lagunekin grabatua-, ez da gitarrista bati aurrikusi ahal zaion diskoa, ihes egiten baitio gitarristek ohikoa duten teknika erakustaldi hutsari. Julian Kanevsky ez da guitar hero bat, kantuak egiten dituen gitarrista bat baizik. Miretsi, gitarrista ugari miresten ditu, baina inork ez du Beatlesek adina eraginik utzi berarengan. Instrumentala izanagatik, abestiak dira disko honetako osagaiak. Aste honetan 7 eurotan eskuratzeko aukera. Erosi
Gehiago irakurri...
|
2008-04-21 / 17:26
BLUES SUTSUA, ZUZENEKO GARTSUA
Adrian eta Marcos, Los Reyes del KO bluesaren bide europarrean barrena ibili dira, euren haurtzaroko Santiagotik Madrileraino, gitarra, aho-soinua eta ezinbesteko “riff” sorta aldean zutela; Madrilen grabatu zituzten aurreneko diskoak eta gero Berlinen jarri ziren bizitzen eta han eskainitako zuzenekoek aho zabalik utzi zituzten ikus-entzuleak. Horren adibide aurtengo urtarrilean, musikari berezien laguntzarekin Berlingo kluba ospetsuan Live in Yorckschlösschen zuzenean grabatutako diskoa. Eskeintza berezia 7 eurotan.Erosi
Gehiago irakurri...
|
2008-04-14 / 20:09
SERGE GAINSBOURGen kantuak euskarara ekarriak
Juankar Landa musikari donostiarrak kantari lagun sorta bat aukeratu zuen, heterogeneoa, ibilbide luzekoak gehienak, Gainsbourgekin hazitakoak, Euskal Herrian egindako pop-rockaren historikoak batzuk, eta azken belaunaldiko gazteak gainontzekoak. Gari, Diego Vasallo, Rafa Berrio (Amor a Traición, Deriva), Mikel Agirre (La Buena Vida), Santi Gasca (Sanchís y Jocano), Txuma Murugarren, Giorgio Bassmatti, Enrike Mingo, Jone Gabarain (Le Mans), Saioa, Estanis Elorza (Natural Project), Urko Menaia, Luisa Etxenike eta Jorge Carrero idazleak eta Juankar Landa bera dira Gainsbourgen doinu eta hitzetan islaturiko izaera errebelde, apurtzaile eta independentea bere egin dutenak. Donostiako musikari talde zabal bat izan dute lagun: Juan Zulaika, Aitor Unanue, Joserra Senperena, Javier Sun, Borja Iglesias... eta DINBI DANBA taldeko partaideak. Gainsbourg Gainbegiratuz diskoa kaleratu dute eta zuzenean ikusteko aukera izango da : Elgetan(apirilak 18), Donostian (maiatzak 7)eta Azkoitian (maiatzak 10). Aste honetan diskoa 7 eurotan erosteko aukera
Gehiago irakurri...
|
2008-04-13 / 14:13
MARTA SANCHEZ TRIO: Ilargiak, Eguzkiak & Elefanteak
Marta Sánchez pianojotzaile madriladarrak zuzentzen duen jazz hirukotea Bizkaiko Blues Jazz Zizkuituan arituko da aste honetan Lunas, Soles & Elefantes zuzenean disko berria aurkezten. Berarekin batera Javier Moreno kontrabaxuan eta Andres Litwin baterian arituko dira taula gainean.
Marta Sanchezen hirukoteak Brad Mehldau, Bill Evans eta Keith Jarrett bezalako izen handiak dakarzkigu gogora, baina ez dugu horregatik zertan lotu lirismo femenino batekin. Melodia osatzeko duen berezko erraztasunak ez du sentimentalkeriaren esparrura lerratzen, hunkiberatasuna zintzoa da, itxurakeriarik gabea, eta zenbaitetan Thelonious Monk taldearen hotsek ondo mugatuta aurkitzen dugu, batez ere boppers moldeetan. Doinuok entzunda txango atsegin bat egiten dugu gure baitara, arestian aipatutako izenen aurreko zalantzak eta zorrak gero eta txikiagoak direla hautemanez...
Musikarekin disfrutatzea gustuko dutenentzat.
Egunotan CDa 7 eurotan. Erosi
Gehiago irakurri...
|
2008-04-03 / 16:02
TXUMA MURUGARREN : MARJINALIA han hemenka
Aurreko diskoetan ez bezala, ez dago soinua definitzen duen ildo nagusi bat, aitzitik, kantu bakoitza janzteko egindako hautuan datza diskoaren berezitasunetako bat. Horregatik da, esaterako, inoiz baino lirikoen agertzen zaigula Txuma Murugarren bere kantuetan, baita ere besteei lapurtako testuetan (Xabi Borda, Angel Erro...). Istorio adina soinuk osatzen dute Marjinalia. Eta hori erakusteko kontzertuz bete dauka agenda . Ostirala 4 Donostian eta larunbata 5ean Azkoitian hasita
Gehiago irakurri...
|
|
|
DENDA
